வெளியானது அமரன் படத்தின் இரண்டாவது பாடல்.!
amaran movie second song published
பிரபல இயக்குனர் ராஜ்குமார் பெரியசாமி இயக்கத்தில் முன்னணி நடிகர் சிவகார்த்திகேயன் நடித்துள்ள திரைப்படம் 'அமரன்'. ஜி.வி.பிரகாஷ் குமார் இசையமைத்துள்ள இந்த படத்தில் சிவகார்த்திகேயனுக்கு ஜோடியாக சாய் பல்லவி நடித்துள்ளார்.
இவர்களுடன் புவன் அரோரா, சுரேஷ் சக்கரவர்த்தி, ஸ்ரீகுமார் உள்ளிட்டோர் நடித்துள்ளனர். உலக நாயகன் கமல்ஹாசனின் ராஜ்கமல் பிலிம் இன்டர்நேஷனல் நிறுவனம் தயாரித்துள்ள இந்தத் திரைப்படம் வருகிற 31-ந் தேதி தீபாவளி பண்டிகையை முன்னிட்டு வெளியாக உள்ளது.
இதற்கிடையே, 'அமரன்' படக்குழு கிளிம்ப்ஸ் வீடியோவை பகிர்ந்தது. இந்த வீடியோ இணையத்தில் வைரலானதைத் தொடர்ந்து, 'ஹே மின்னலே' பாடல் வெளியானது. இந்தப் பாடல் ரசிகர்கள் மத்தியில் நல்ல வரவேற்பை பெற்றது.
இந்த நிலையில், அமரன் படத்தின் இரண்டாவது பாடல் 'வெண்ணிலவு சாரல்' தற்போது வெளியாகியுள்ளது. இந்தப் பாடலை யுகபாரதி வரிகளில் கபில் கபிலன் மற்றும் ரக்ஷிதா சுரேஷ் இணைந்து பாடியுள்ளனர்.
English Summary
amaran movie second song published