"கங்குவா" திரைப்படத்திற்கு மீண்டும் தடை!...சென்னை உயர் நீதிமன்றம் அதிரடி உத்தரவு!

தமிழ் சினிமாவில் முன்னணி நடிகராக திகழும் சூர்யா நடித்துள்ள 'கங்குவா' படத்தை இயக்குனர் சிவா இயக்கியுள்ளார். இதில், திஷா பதானி, பாபி தியோல், யோகி பாபு, ரெடின் கிங்ஸ்லி உட்பட பலர் நடித்துள்ளனர். இந்த படத்தினை ஸ்டுடியோ கிரின் நிறுவனம் சார்பில் ஞானவேல்ராஜா தயாரித்துள்ளார்.

இந்தப் படத்தின் டீசர் வெளியான சில மணி நேரத்திலேயே பல கோடி பார்வைகளை பெற்றது.
மேலும் இந்த படத்தில் வி.எஃப்.எக்ஸ் மற்றும் 3டி வேலைகள் செய்யப்பட்டுள்ளது

இப்படம் வரும் 14-ம் தேதி உலகம் முழுவதும் திரையரங்குகளில் வெளியாக உள்ளது. தொடர்ந்து இந்த படத்தின் சிறப்பு காட்சிக்கு தமிழக அரசு அனுமதி அளித்துள்ளது.

இந்த நிலையில், பியல் டெக்னாலஜிஸ் என்ற நிறுவனத்திற்கு வழங்க வேண்டிய ரூ.1.60 கோடியை டெபாசிட் செய்த பின்னரே, 'கங்குவா' படத்தை வெளியிட வேண்டும் என்று சென்னை உயர் நீதிமன்றம் உத்தரவிட்டுள்ளது. முன்னதாக பியல் டெக்னாலஜிஸ் நிறுவனம், பணத்தை டெபாசிட் செய்யாமல் படத்தை வெளியிட கூடாது என்று வழக்கு தொடர்ந்திருந்தது குறிப்பிடத்தக்கது.