பிரம்மாஸ்திராவை முந்திச் சென்ற சிவகார்த்திகேயனின் அயலான்.!

பிரபல இயக்குநர் ரவிக்குமார் இயக்கத்தில் நடிகர்கள் சிவகார்த்திகேயன் மற்றும் ரகுல் ப்ரீத் சிங் உள்ளிட்டோர் நடிப்பில் உருவாகியுள்ள திரைப்படம் ‘அயலான்’. இந்த படத்தின் முழுவதும் தயாராகியா நிலையில் பல நாட்களாக சிஜி பணி நடைபெற்று வந்தது. 

தற்போது சிஜி பணிகள் நிறைவடைந்து இந்த படம் தீபாவளிக்கு திரைக்கு வர உள்ளது என்று படக்குழு அறிவித்துள்ளது. இந்த நிலையில், படத்தின் தயாரிப்பாளர் கே.ஜி.ஆர். ராஜேஷ் சமீபத்தில் பேட்டி ஒன்றில் பேசியதாவது, 

“அயலான் படத்தில் வரும் ஏலியன் பொம்மைக்காக மட்டும் கிட்டத்தட்ட இரண்டு கோடி ரூபாய் செலவு செய்துள்ளோம். அந்த ஏலியன் பொம்மையின் நடிப்பு மற்றும் அசைவுகளை மட்டுமே கிராஃபிக்ஸ் பணியில் கொண்டு வந்திருக்கிறோம். 

இந்தப் படத்தின் புரோமோஷன் நிகழ்ச்சிகளுக்கும் அந்த ஏலியன் பொம்மையை கொண்டு வருவோம். அதேபோன்று, ‘அயலான்’ திரைப்படம் ‘ஈடி’ என்ற ஹாலிவுட் படத்தின் தழுவல் என்ற செய்தி உண்மை கிடையாது. இந்த படம் முற்றிலும் மாறுபட்ட கதை. 

இதற்கு முன்பாக வெளிவந்த ‘பிரம்மாஸ்திரா’ படத்தில் 4000 வி.எஃப்.எக்ஸ். காட்சிகள் இடம்பெற்றிருந்தது. ஆனால், ‘அயலான்’ படத்தில் அதற்கும் அதிகமாக 4500 வி.எஃப்.எக்ஸ் காட்சிகள் உள்ளன” என்றுத் தெரிவித்துள்ளார்.