பிரபல இயக்குனர் மாரி செல்வராஜ் இயக்கத்தில் தமிழ்நாடு விளையாட்டு துறை அமைச்சர் உதயநிதி ஸ்டாலின் தயாரித்து நடித்துள்ள மாமன்னன் திரைப்படம் நாளை வெளியாக உள்ளது. இந்த படத்தின் முக்கிய கதாபாத்திரத்தில் வைகை புயல் வடிவேலு நடித்த வில்லனாக பஹத் பாசில் நடித்துள்ளார். 

இந்த படத்தின் டிரைலர் மற்றும் இசை வெளியீட்டு விழா கடந்த ஜூன் 1ம் தேதி நேரு உள் விளையாட்டு அரங்கில் பிரம்மாண்டமாக நடைபெற்றது. இந்த விழாவில் இயக்குனர் மாரி செல்வராஜ் தேவர் மகன் திரைப்படத்தின் தாக்கம் தான் மாமன்னன் என பேசியது பெரும் சர்ச்சையை கிளப்பியது.

அதனைத் தொடர்ந்து மாமன்னன் திரைப்படத்திற்கு எதிராக பல்வேறு கருத்துகளும், விமர்சனங்களும், எதிர்ப்புகளும் முன் வைக்கப்பட்டு வருகின்றன. இந்த நிலையில் நாளை வெளியாக உள்ள மாமன்னன் திரைப்படத்தின் சிறப்பு காட்சி இன்று முக்கிய நபர்களுக்கு திரையிட்டு காண்பிக்கப்பட்டது.

இந்த படத்தைப் பார்த்த நடிகர் தனுஷ் தனது ட்விட்டர் பக்கத்தில் "மாரி செல்வராஜ் எழுதிய மாமன்னன் ஒரு உணர்வு. மாரி உங்களுக்கு ஒரு பெரிய அணைப்பு. வடிவேலு சார் மற்றும் உதயநிதி ஆகியோர் மிகவும் உறுதியான நடிப்பை வழங்கியுள்ளனர். ஃபஹத் மற்றும் கீர்த்தி சுரேஷ் ஆகியோரின் சிறப்பான பணி. இடைவேளைக்கு தியேட்டர்கள் வெடிக்கப் போகிறது. இறுதியாக ஏ.ஆர் ரகுமான் ஐயா அழகு" என பதிவிட்டுள்ளார். இதை ரீட்விட் செய்த உதயநிதி ஸ்டாலின் "தனுஷ்.. எல்லாவற்றுக்கும் நன்றி.. உங்கள் ஆதரவு இல்லாமல் #MAAMANNAN நடந்திருக்காது" நெகிழ்ச்சியுடன் பதிவிட்டுள்ளார்.

🙏🏼 Dhanush .. thx for everything .. without your support #MAAMANNAN wouldn’t have happened https://t.co/R6IFkTyjVl

— Udhay (@Udhaystalin) June 28, 2023