பிரபல தமிழ் திரைப்பட தயாரிப்பாளர் ராமநாதன் மரணம்..!
Famous Tamil film producer passes away
பிரபல தமிழ் சினிமா தயாரிப்பாளர் ராமநாதன் 72 வயதில் காலமாகியுள்ளார். இவர் நடிகர் சத்யராஜிற்கு நீண்ட காலமாக மேலளாராகவும் பணியாற்றியுள்ளார். இவரது தயாரிப்பில், தமிழில் வெளிவந்த வாத்தியார் வீட்டுப் பிள்ளை, நடிகன், வள்ளல், திருமதி பழனிச்சாமி, பிரம்மா, உடன்பிறப்பு, வில்லாதி வில்லன் ஆகிய படங்களில் சத்யராஜ் கதாநாயகனாக நடித்துள்ளார்.
அத்துடன், விஜயகாந்த் கதாநாயகனாக நடித்த, பாரதிராஜா இயக்கத்தில் தமிழ்ச் செல்வன் படத்தையும் ராமநாதன் தயாரித்துள்ளார்.
இந்நிலையில், அவர் உடல் நலக் குறைவால் சென்னையில் உள்ள தனியார் மருத்துவ மனையில் இன்று காலை காலமாயுள்ளார். ராமநாதனுக்கு பிரமிளா என்ற மனைவியும் காருண்யா, சரண்யா ஆகிய இரு மகள்களும் உள்ளனர். இருவரும் வெளிநாட்டில் உள்ளனர். அவர்கள் சென்னை வந்ததும் புதன் கிழமையன்று இறுதி சடங்குகள் நடைபெறவுள்ளது. இவரது மறைவுக்கு ரசிகர்கள் மற்றும் திரையுலகினர் இரங்கல் தெரிவித்து வருகின்றனர்.
English Summary
Famous Tamil film producer passes away