நஸ்லென் 'ஆலப்புழா ஜிம்கானா' படக்குழு...!!! நடிகர் சிவகார்த்திகேயனை நேரில் சந்தித்தது எதற்காக?

மலையாள நடிகரான 'நஸ்லென்', 'பிரேமலு' திரைப்படத்தின் மூலம் பிரபலமானவர். இவர் தற்போது காலித் ரஹ்மான் இயக்கத்தில் 'ஆலப்புழா ஜிம்கானா' திரைப்படத்தில் நடித்துள்ளார். இந்தப் படம் வருகிற ஏப்ரல் 10 -ம் தேதி வெளியாகிறது.

இதில் இயக்குனர் 'காலித் ரஷ்மான்' இதற்கு முன்பு உண்டா, லவ் , தல்லுமாலா போன்ற வெற்றி திரைப்படங்களை இயக்கியவர் என்பது குறிப்பிடத்தக்கது.இப்படத்தை காலித் மற்றும் ஸ்ரீனி சசீந்தரன் இணைந்து எழுதியுள்ளனர்.

இதில் நஸ்லேன் முன்னணி கதாப்பாத்திரத்தில் நடிக்க இவருடன் சந்தீப் பிரதீப், லுக்மான் அவரன், கணபதி, கோட்டயம் நஸீர்,அனக்ஹா ரவி மற்றும் பலர் முக்கிய கதாப்பாத்திரத்தில் நடித்துள்ளனர்.

இந்தப் படத்தின் டிரெய்லர் மற்றும் பாடல்கள் சமீபத்தில் வெளியாகி மக்களிடையே நல்ல வரவேற்பை பெற்றது. இதில் குறிப்பாக Everyday மற்றும் பஞ்சாரா பன்ச் பாடல்கள் பெரும் வரவேற்பை பெற்றது.

இசையை விஷ்ணு விஜய் மேற்கொள்ள, ஒளிப்பதிவை ஜிம்ஷி காலித் செய்துள்ளார். இந்நிலையில் நடிகர் சிவகார்த்திகேயன், 'ஆழப்புழா ஜிம்கானா' படக்குழுவை நேரில் சந்தித்து வாழ்த்து தெரிவித்துள்ளார்.அப்பொழுது எடுத்த வீடியோவை வெளியிட்டுள்ளனர் படக்குழு. இது தற்போது வைரலாகி வருகிறது.