தற்போது கமலஹாசன் ரசிகர்களுக்கு ஒரு மகிழ்ச்சியான செய்தி வெளியாகியிருக்கிறது. லோகேஷ் கனகராஜின் இயக்கத்தில் வெளியான விக்ரம் படத்தின் அபார வெற்றிக்கு பின்னர் நடிகர் கமல்ஹாசனின் ரசிகர்கள் மிகுந்த சந்தோஷத்தில் இருக்கின்றனர். 

கிரேன் விபத்து ஏற்பட்டதன் காரணமாக கடந்த 2020இல் கமலின் இந்தியன் 2 படத்தின் ஷூட்டிங் நிறுத்தப்பட்டது. அதன்பிறகு பல்வேறு சிக்கல்கள் மற்றும் கொரோனா தொற்று காரணமாக படப்பிடிப்பு நடைபெறவில்லை. தற்போது பல்வேறு தடைகளுக்கு பிறகு லைகா புரொடக்ஷன் தயாரிக்கும் இந்த படத்தின் சூட்டிங் நடைபெற இருக்கிறது. 

கமலஹாசனின் இந்தியன் 2 திரைப்படத்தின் படப்பிடிப்பு இரண்டு வருட இடைவெளிக்குப் பின் மீண்டும் நடைபெற இருக்கிறது. இதில், நடிகர் சித்தார்த், நடிகைகள் பிரியா பவானி சங்கர் மற்றும் ரகுல் ப்ரீத்தி சிங் உள்ளிட்டோர் முக்கிய கதாபாத்திரத்தில் நடிக்கின்றனர். 

இந்த படத்தின் சூட்டிங் இந்த மாதத்தில் துவங்கும் என்று எதிர்பார்க்கப்பட்டது. ஆனால், படப்பிடிப்பு வரும் செப்டம்பர் 12-ல் துவங்கும் என்று சமீபத்தில், காஜல் அகர்வால் தெரிவித்து இருந்தார். இத்தகைய சூழலில் இன்று நள்ளிரவு 12 மணியளவில் இந்தியன் 2 படத்தின் அப்டேட் வெளியாகபோவதாக தற்போது ஒரு தகவல் கசிந்து பரபரப்பை ஏற்ப்படுத்தியுள்ளது.