'நான் ராம் இல்லடா... தாகூத் இப்ராஹிம்' வெளியாகியது ஹரா கிளிம்ஸ்.!

1980-களில் தமிழ் சினிமாவின் முன்னணி கதாநாயகனாக வலம் வந்தவர் 'மோகன்'. நடிகர் மோகனின் திரைப்பட பாடல்கள் லிஸ்ட் இன்றும் 80'ஸ், 90'ஸ் கிட்ஸ்களின் விருப்பமான தேர்வாக இருக்கும்.

நடிகர் மோகன் தமிழ் மட்டுமில்லாமல் தெலுங்கு மற்றும் கன்னடம் மொழிகளிலும் நடித்து பிரபலமர். மேலும், 'அன்புள்ள காதலுக்கு' என்ற திரைபடத்தையும் இயக்கி உள்ளார்.

நடிகர் மோகன் கடந்த 2008-ஆம் ஆண்டு வெளியான 'சுட்ட பழம்' படத்தில் நடித்திருந்தார். அதன் பின், குணச்சித்திர கதாபாத்திரத்தில் சில படங்களில் நடித்து உள்ளார்.

இந்நிலையில், நீண்ட இடைவெளிக்கு பிறகு நடிகர் மோகன் மீண்டும் கதாநாயகனாக 'ஹரா' என்ற திரைப்படத்தில் நடித்து வருகிறார்.

இந்த திரைப்படத்தில் நடிகை குஷ்பூ, யோகி பாபு, சாருஹாசன் உள்ளிட்ட பலர் நடித்து வருகின்றனர். இப்படத்தை விஜய் ஸ்ரீ இயக்குகிறார், லியாண்டர் லீ மார்டி இசை அமைக்கிறார்.

இந்த 'ஹரா' படத்தின் கிளிம்ஸ் காட்சி தற்போது வெளியாகியுள்ளது. ஒரே வசனமாக 'நான் ராம் இல்லடா... தாகூத் இப்ராஹிம்' என்று நடிகர் மோகன் பேசும் வசனம் சமூக வலைத்தளத்தில் வைரலாகி வருகிறது.