அதிகாரபூர்வமாக வெளியான #AK62 பட அறிவிப்பு.! அஜித்குமாருடன் கைகோர்த்த விக்னேஷ் சிவன்.!

எச். வினோத் இயக்கத்தில் போனிகபூர் தயாரித்து அஜித் நடித்த வலிமை திரைப்படம் கடந்த 24ஆம் தேதி ரிலீசாகி ரசிகர்களிடம் நல்ல வரவேற்பை பெற்று வருகிறது. மிகுந்த எதிர்பார்ப்புக்கு இடையில் வெளியான திரைப்படம் என்பதால் ரசிகர்கள் மட்டுமல்லாமல் பலருக்கும் வலிமை படம் குறித்த எதிர்பார்ப்பு மேலோங்கி இருந்தது.

இந்த படத்தை பார்த்துவிட்டு பல பிரபலங்களும் படக்குழுவினருக்கு பாராட்டுகளை தெரிவித்து வரும் நிலையில், சமீபகாலமாக அஜித்தின் அடுத்த படம் #AK61 குறித்த தகவல்கள் வெளியாகி வருகின்றன.

AK61 படம் குறித்த தகவலே இன்னும் உறுதிப்படுத்தப்படாத நிலையில், நடிகர் அஜித்தின 62வது படம் குறித்த தகவல் தற்போது வெளியாகியுள்ளது.

விக்னேஷ் சிவன் இயக்கும் இந்தப் படத்தில் அனிருத் இசையமைக்க, நயன்தாரா கதாநாயகியாக நடிக்கவுள்ளார். லைகா நிறுவனம் தயாரிக்கும் இந்த படத்தின் அதிகாரப்பூர்வ அறிவிப்பு தற்போது வெளியாகியுள்ளது.