தமிழ் சினிமாவில் பிரபல நடிகராக இருப்பவர் தல அஜித். இவருடைய நடிப்பில் கடைசியாக வெளியான நேர்கொண்ட பார்வை திரைப்படம் நல்ல வரவேற்பை பெற்றது. இந்த படத்தை இயக்குனர் ஹச்.வினோத் இயக்கியிருந்தார்.

இந்த நிலையில் தற்போது தல அஜித் மீண்டும் இயக்குனர் ஹெச்.வினோத் இயக்கத்தில் வலிமை படத்தில் நடித்துள்ளார். இந்த படத்தை பாலிவுட் தயாரிப்பாளர் போனி கபூர் தயாரித்துள்ளார். மேலும், இந்த படத்திற்கு யுவன் ஷங்கர் ராஜா இசையமைத்துள்ளார்.

சமீபத்தில் இந்த படத்தின் ஃபர்ஸ்ட் லுக், மோஷன் போஸ்டர் வீடியோ, ஃபர்ஸ்ட் சிங்கிள், சண்டைக் காட்சி மேக்கிங் வீடியோ மற்றும் டிரெய்லர் வெளியாகி ரசிகர்களிடையே நல்ல வரவேற்பை பெற்றுள்ளது. மேலும், இந்த திரைப்படம் பொங்கலுக்கு ரிலீஸாக இருந்த நிலையில், தமிழகத்தில் தற்போது ஊரடங்கின் காரணமாக இந்த படத்தின் ரிலீஸ் தற்காலிகமாக ஒத்திவைக்கப்பட்டது.

மிகுந்த எதிர்பார்ப்பை ஏற்படுத்தி இருக்கும் வலிமை திரைப்படம் மார்ச் மாதத்தில் வெளியாக இருப்பதாக கூறப்படுகிறது. மேலும், விரைவாக Ak 61 படத்தின் பணிகள் துவங்க இருப்பதாகவும் அந்த படத்தை 2022 தீபாவளிக்கு ரிலீஸ் செய்ய படக்குழு திட்டமிட்டு இருப்பதாகவும் கூறப்படுகிறது. 

இந்த படத்தில் நடிகர் அஜித்துக்கு ஜோடியாக நடிகை தபு நடிக்க உள்ளதாகவும், நடிகர் பிரகாஷ்ராஜ் மோகன்லால் ஆகியோர் நடிக்க உள்ளதாக கூறப்பட்ட நிலையில் தற்போது இந்த படத்தில் நாகர்ஜூனா ஒரு முக்கிய கதாபாத்திரத்தில் நடிக்க உள்ளதாக தகவல் வெளியாகியுள்ளது.