பரபரப்பு!...இயக்குனர் மீது துப்பாக்கி சூடு நடத்திய நடிகர் அதிரடி கைது!
Sensation the actor who shot at the director was arrested
கர்நாடக மாநிலம், பெங்களூருவை சேர்ந்த நடிகர் தாண்டேஸ்வர், கன்னட சின்னத்திரை தொடர்களில் நடித்து உள்ளார். மேலும் இவர், ஜோடி ஹக்கி என்ற திரைப்படத்தில் நடித்து பிரபலமானார்,
இதற்கிடையே, சொந்தமாக படம் தயாரிக்க விரும்பிய இவர் பிரபல கன்னட இயக்குனர் பரத்துடன் பேச்சுவார்த்தை நடத்தி ரூ.6 லட்சம் முன்பணம் அளித்து உள்ளார். மாறாக படப்பிடிப்பு பணிகளை துவங்காமல், பரத் இழுத்தடித்து வந்துள்ளார்.
இந்த நிலையில், நடிகர் தாண்டேஸ்வர்- இயக்குனர் பரத் ஆகிய இருவரும் நேற்று முன்தினம் பசவேசுவரா படாவனேயில் உள்ள வீட்டில் பேச்சுவார்த்தை நடத்தியுள்ளனர். அப்போது இருவருக்குமிடையே ஏற்பட்ட பேச்சுவார்த்தை முற்றியது.
இதனால் கோபமடைந்த தாண்டேஸ்வர், தனது காரில் இருந்த கை துப்பாக்கி மூலம் பரத்தை சுட்டார். இதில் பரத் மீது குறி தப்பிய நிலையில், வீட்டின் சுவரில் குண்டு துளைத்தது. தொடர்ந்து சம்பவ இடத்தில் இருந்து தப்பியோடிய பரத், இது குறித்து சந்திரா லேஅவுட் காவல் நிலையத்தில் அளித்த புகாரின் அடிப்படையில், போலீசார் தாண்டேஸ்வரை கைது செய்து விசாரணை நடத்தி வருகின்றனர்.
English Summary
Sensation the actor who shot at the director was arrested