அப்படி போடு! கதாநாயகனாக அறிமுகமாகும் பிக்பாஸ் புகழ் 'பாலாஜி முருகதாஸ்'! V3 ஷூட்டிங் தொடங்கியது!
vaa varalam vaa movie shooting
பிக்பாஸ் புகழ் பாலாஜி முருகதாஸ் கதாநாயகனாக அறிமுகமாகும் "வா வரலாம் வா" திரைப்படத்தின் படப்பிடிப்பு இன்று பூஜையுடன் தொடங்கி உள்ளது.
எஸ்ஜிஎஸ் கிரியேட்டிவ் மீடியா தயாரிப்பில், எல்.ஜி. ரவிசந்தர் - எஸ்பிஆர் இணைந்து இயக்கும் "வா வரலாம் வா" திரைப்படத்தின் பூஜை, செங்கல்பட்டு மாவட்டம், வேடவாக்கம் கிராமத்தில் நடைப்பெற்றது.
மேல்மருவத்தூர் ஆதிபராசக்தி சித்தர் பீடம் ஆன்மீகத் தொண்டு இளைஞரணித் தலைவர் திரு.கோ.ப.செந்தில்குமார் அவர்கள் படப்பிடிப்பை துவக்கி வைத்தார்.
இந்தப் படத்தில் கிங்ஸ்லீ, மைம் கோபி, பவ்யா, காயத்ரி, சிங்கம்புலி, சரவணன் சுப்பையா, தீபா, வையாபுரி, பயில்வான் ரங்கநாதன், மீசை ராஜேந்திரநாத், திலீபன், ரஞ்சன், கிரேன் மனோகர், போண்டா மணி, பிரபாகரன், ராமசாமி, வாசு விக்ரம் என பல முன்னணி நடிகர்கள் நடிக்கின்றனர்.
இப்படத்திற்கு தேவா இசையமைக்க, பாடல்களை காதல் மதி, கானா எட்வின் எழுதியுள்ளனர். பாடல்கள் ஒலிப்பதிவு முடிந்த நிலையில், பாடல்களை கேட்ட படக்குழுவிற்கு கூடுதல் உற்சாகம் கிடைத்துள்ளதாக எஸ்.பி.ஆர். தெரிவித்திருக்கிறார்.
தேசிய விருது பெற்ற ராஜா முகமது படத்தொகுப்பை கவனிக்க, கார்த்திக் ராஜா ஒளிப்பதிவு செய்கிறார். படத்தின் படப்பிடிப்பு சென்னை, செங்கல்பட்டு, மதுராந்தகம், மேல்மருவத்தூர், வேடவாக்கம், வேடந்தாங்கல் போன்ற இடங்களில் ஒரே கட்டமாக நடக்க உள்ளது.
English Summary
vaa varalam vaa movie shooting