#AK61 லீக்ஸ்.! மீண்டும் அஜித்துடன் ஜோடி சேரும் அதே நடிகை..!

எச். வினோத் இயக்கத்தில் போனிகபூர் தயாரித்து அஜித் நடித்த திரைப்படம் தான் வலிமை. இதில் யுவன் இசையமைக்க அஜித்துக்கு ஜோடியாக நடிகை ஹீமோ குரோஷி நடித்திருப்பார்.

இந்த படம் கடந்த பிப்ரவரி 24ஆம் தேதி ரிலீசாகி ரசிகர்களிடம் நல்ல வரவேற்பை பெற்று வருகிறது. மிகுந்த எதிர்பார்ப்புக்கு இடையில் வெளியான திரைப்படம் என்பதால் ரசிகர்கள் மட்டுமல்லாமல் பலருக்கும் வலிமை படம் குறித்த எதிர்பார்ப்பு மேலோங்கி இருந்தது.

இந்த படத்தை பார்த்துவிட்டு பல பிரபலங்களும் படக்குழுவினருக்கு பாராட்டுகளை தெரிவித்து வரும் நிலையில், சமீபகாலமாக அஜித்தின் அடுத்த படம் குறித்த தகவல்கள் வெளியாகி வருகின்றன.

Ak61 என்று தற்காலிகமாக பெயர் சூட்டப்பட்டுள்ள இந்த படத்தின் படப்பிடிப்பு மார்ச் 18ல் துவங்கவுள்ளதாக தற்போது தகவல் வெளியாகியுள்ளது. இந்த நிலையில், தற்போது இந்த படத்தின் ஹீரோயின் குறித்த தகவல் வெளியாகியுள்ளது.

ஏற்கனவே, அஜித்துடன் இணைந்து நேர்கொண்ட பார்வை படத்தில் நடித்த வித்யா பாலன் தான் இந்த படத்திலும் அவருக்கு ஜோடியாக நடிக்கவுள்ளதாக கூறப்படுகிறது.