யோகிபாபுவின் கோழிப்பண்ணை செல்லதுரை-படத்தின் ரிலீஸ் தேதி அறிவிப்பு

இயக்குநர் சீனு ராமசாமி இயக்கத்தில் இறுதியாக வெளியான மாமனிதன் திரைப்படம் ரசிகர்களிடையே நல்ல வரவேற்பைப் பெற்றது. முன்னதாக இவர் தென்மேற்கு பருவக்காற்று, நீர் பறவை, தர்மதுரை ஆகிய வெற்றிப் படங்களை இயக்கி கவனம் பெற்றார்.

இந்நிலையில் இவர் தற்போது இயக்கியுள்ள 'கோழிப்பண்ணை செல்லதுரை' படத்தின் படப்பிடிப்பு, கடந்த ஆண்டு தேனி மாவட்டம் பெரியகுளத்தில் பூஜையுடன் துவங்கியது. இந்த படத்தில் யோகி பாபு, புதுமுகங்கள் ஏகன், பிரிகிடா, ஐஸ்வர்யா தத்தா, தினேஷ் முத்தையா உட்பட பலர் நடித்துள்ளனர்.

மேலும் கிராமத்துப் பின்னணியில் உருவாகும் இந்தப் படத்தின் படப்பிடிப்பு ஆண்டிப்பட்டியில் நடைபெற்ற நிலையில், விஷன் சினிமா ஹவுஸ் நிறுவனம் இந்த படத்தை தயாரித்திருக்கிறது. இந்த படத்தின் டீசர் சமீபத்தில் வெளியாகி ரசிகர்கள் மத்தியில் நல்ல வரவேற்பை பெற்றது.இந்நிலையில் இந்த படம் வரும் செப்டம்பர் 20ஆம் தேதி திரையரங்குகளில் வெளியாகும் என்று, இயக்குனர் ராமசாமி அறிவித்துள்ளார்.