* மருத்துவ குணங்கள் நிறைந்த முடக்கத்தான் கீரை கிராமப்புறங்களில் வேலிகளில் படர்ந்து காணப்படும். இதனை உணவில் சேர்த்துக்கொண்டால் முடக்குவாதம், நரம்பு தளர்ச்சி போன்றவை குணமடையும். 

* முடக்கத்தான் கீரையில் புரதச்சத்து, நார்ச்சத்து, கார்போஹைட்ரேட், தாது பொருட்கள் அதிக அளவில் உள்ளதால் எலும்புகளின் வளர்ச்சிக்கு உதவுகிறது. 

* முடக்கத்தான் கீரையை தொடர்ந்து உணவில் சேர்த்துக்கொள்வதன் மூலம் மலச்சிக்கல், மூல நோய், பாதவாதம் போன்ற நோய்கள் குணமடையும். 

* வாய்வு தொல்லை இருப்பவர்கள் முடக்கத்தான் கீரையை சாப்பிடுவது நல்லது. மாதவிடாய் நிற்கும் நிலையில் உள்ள பெண்களுக்கு முடக்கத்தான் கீரை நல்ல மருந்தாக செயல்படும். 

* இடுப்பு, பாதம், கை, கால், முட்டிகளில் ஏற்படும் வலியை போக்குவதற்கு முடக்கத்தான் கீரை உதவுகிறது. முடக்கத்தான் கீரை உட்கொள்வதால் மூட்டுகளில் இருக்கும் யூட்ரிக் ஆசிட் சிறுநீரகத்திற்கு எடுத்துச் சென்று வெளியேற்றும். இதனால் உடல் சோர்வு ஏற்படாது. 

* முடக்கத்தான் கீரையை தோசை மாவில் சேர்த்து அரைத்து சாப்பிட வேண்டும். முடக்கத்தான் கீரையை கொதிக்க வைத்து உட்கொள்ளக்கூடாது. 

* முடக்கத்தான் கீரையை விளக்கெண்ணையில் வதக்கி உட்கொண்டால் மூட்டு வலி, கை, கால் வலி, முதுகு வலி, உடல் வலி போன்றவை குணமடையும். முடக்கத்தான் கீரையுடன் வெல்லம் சேர்த்து நெய்யில் வதக்கி உட்கொண்டால் கண் சம்பந்தமான நோய்கள் குணமடையும்.