மழைக்காலம் ஆரோக்கியத்தை பாதிக்கக்கூடிய சில சூழ்நிலைகளை உருவாக்கக்கூடும். மழையின் ஈரப்பதம், சூழ்நிலைகளின் மாற்றம் போன்றவை நோய்களுக்கு வழிவகுக்கும். இந்நிலையில், சில முக்கியமான ஆரோக்கியக் குறிப்புகளை அனுசரிப்பதன் மூலம், இந்த பருவத்தில் ஆரோக்கியத்தை பாதுகாக்கலாம்.

 1. சூடான நீர் குடிப்பு

மழைக்காலத்தில் தினமும் காலையில் வெறும் வயிற்றில் சூடான நீர் குடிப்பது மிகவும் நல்லது. இது உடலிலுள்ள பாக்டீரியாக்களை அழிக்கும். மேலும், இது உடலின் நோய் எதிர்ப்பு சக்தியை மேம்படுத்துகிறது.

2. பழங்கள், காய்கறிகளை நன்றாக கழுவி சாப்பிடுங்கள்

மழைக்காலத்தில் பூச்சி மற்றும் பூச்சிக்கொல்லி மருந்துகளின் பயன்பாடு அதிகமாக இருப்பதால், மார்க்கெட்டில் வாங்கும் காய்கறி மற்றும் பழங்களை நன்றாக கழுவி சாப்பிடுவது அவசியம்.

3. நனைந்த உடைகளை உடனே மாற்றுங்கள்

மழையில் நனைந்தால் உடனே உங்களுடைய ஆடைகளை மாற்றுங்கள். ஈரமான ஆடைகள் உடலில் நீண்ட நேரம் இருந்தால் சளி, காய்ச்சல் போன்ற நோய்கள் ஏற்படும் அபாயம் உள்ளது.

 4. துளசி கசாயம்

நோய் எதிர்ப்பு சக்தியை அதிகரிக்க தினமும் துளசி, அதிமதுரம், இஞ்சி, தேன் சேர்த்து கசாயம் பருகுவது நல்லது. இது உடலை சூடாக்கும், நோய்களைத் தடுக்க உதவும்.

5. வெளியில் சாப்பிடுவதை தவிர்க்கவும்

மழைக்காலத்தில் வெளிப்புற உணவுகளில் பாக்டீரியா மிக்கிருக்க வாய்ப்பு உள்ளது. எனவே, வீட்டிலேயே சமைத்த சுத்தமான உணவுகளை சாப்பிடுவது மிகச்சிறந்தது.

 6. சுத்தமான உடல்நல பராமரிப்பு

மழைக்காலத்தில் இறுக்கமான ஆடைகள் அணியாமல் இருக்கவும். சிறுநீர் கழித்த பிறகு அந்தரங்க உறுப்புகளை டிஷ்யூ அல்லது துணியால் துடைத்து சுத்தம் செய்ய வேண்டும். இதை செய்வது நோய் தொற்றுகளைத் தடுக்க உதவும்.

 7. செரிமான பிரச்சனைகளை தவிர்க்கும் உணவுப் பழக்கவழக்கம்

வருத்தம், காரமான உணவுகளைத் தவிர்ப்பது முக்கியம், ஏனெனில் இது செரிமான பிரச்சனைகளை உருவாக்க வாய்ப்பு உள்ளது.

இத்தகைய ஆலோசனைகளைப் பின்பற்றி, மழைக்காலத்தில் உடல்நலத்தை மேம்படுத்த முடியும்.