நாட்டில் பழைய மற்றும் பயன்படுத்தப்பட்ட மின்சார வாகனங்கள் மீதான சரக்கு மற்றும் சேவை வரியை 12% லிருந்து 18% ஆக உயர்த்த ஜிஎஸ்டி கவுன்சிலின் ஃபிட்மென்ட் கமிட்டி பரிந்துரை செய்துள்ளது. இந்த வரி உயர்வு வாகனங்களின் மறுவிற்பனை சந்தையை கணிசமாக பாதிக்கும் என்றும் கருதப்படுகிறது.

அதுமட்டுமல்லாமல், இந்த முன்மொழியப்பட்ட ஜிஎஸ்டி உயர்வு பழைய மற்றும் பயன்படுத்தப்பட்ட மின்சார வாகனங்களுக்கும் நீட்டிக்கப்படும் என்றும், அவை தற்போது ஜனவரி 25, 2018 தேதியிட்ட அறிவிப்பு எண். 08/2018-மத்திய வரி இன் கீழ் 12% குறைக்கப்பட்ட விகிதத்தில் வரி விதிக்கப்படும் என்றும் தெரிவிக்கப்பட்டுள்ளது.

இந்த ஜி.எஸ்.டி உயர்வு பெட்ரோல், எல்பிஜி அல்லது சிஎன்ஜி வாகனங்களுக்கு 1200சிசி அல்லது அதற்கு மேற்பட்ட எஞ்சின் திறன் மற்றும் 4000மிமீ அல்லது அதற்கு மேற்பட்ட நீளம் கொண்ட வாகனங்களுக்கும், 1500சிசி அல்லது அதற்கு மேற்பட்ட எஞ்சின் திறன் மற்றும் 4000மிமீ அல்லது அதற்கு மேற்பட்ட நீளம் கொண்ட டீசல் வாகனங்களுக்கும், 1500சிசி க்கும் அதிகமான எஞ்சின் திறன் கொண்ட விளையாட்டு பயன்பாட்டு வாகனங்களுக்கும் விதிக்கப்படுகிறது.

பயன்படுத்தப்பட்ட வாகனங்களின் பழுது மற்றும் பராமரிப்புக்காக பயன்படுத்தப்படும் உதிரி பாகங்கள் மற்றும் சேவைகள் ஏற்கனவே 18% ஜிஎஸ்டியை ஈர்க்கின்றன. ஜிஎஸ்டி விகித உயர்வு அமல்படுத்தப்பட்டால், தொழில்துறையானது செகண்ட் ஹேண்ட் வாகன விற்பனையில் அதிக ஒட்டுமொத்த வரிவிதிப்புகளைச் சந்திக்க நேரிடும். இதனால், உதிரி பாகங்கள் விலையும் உயரும் அபாயம் ஏற்பட்டுள்ளது.

இந்த மாதம் (டிசம்பர்) 20 மற்றும் 21 ஆம் தேதிகளில் ராஜஸ்தான் மாநிலம் ஜெய்சால்மரில் நடைபெறவுள்ள ஜிஎஸ்டி கவுன்சில் கூட்டத்தில் இந்த பரிந்துரை குறித்து விவாதிக்கப்படும் என்று எதிர்பார்க்கப்படுகிறது.