மணிப்பூர்: ரூ.54 லட்சம் மதிப்புள்ள தங்க கட்டிகள் பறிமுதல்.! 2 பெண்கள் கைது.!

மணிப்பூரில் 54 லட்சம் ரூபாய் மதிப்புள்ள தங்க கட்டிகளை கடத்திய 2 பெண்களை பாதுகாப்புப் படையினர் கைது செய்தனர்.

மியான்மர் எல்லையை ஒட்டிய மணிப்பூரின் தெங்னௌபால் மாவட்டத்தில் தங்க கட்டிகள் கடத்தப்படுவதாக ரகசிய தகவல் கிடைத்ததையடுத்து, பாதுகாப்பு படையினர் மோரேயில் இருந்து இம்பால் நோக்கி வந்த வேன் ஒன்று மறித்து சோதனை மேற்கொண்டனர்.

இந்த சோதனையில் சர்வதேச சந்தையில் ரூ.54.11 லட்சம் மதிப்பிலான சுமார் 1 கிலோ எடையுள்ள 6 தங்கக் கட்டிகளை பறிமுதல் செய்த பாதுகாப்பு படையினர் இரண்டு பெண்களை கைது செய்தனர். இவர்கள் இரண்டு பேரும் சர்வதேச கடத்தல்காரர்கள் என்று கூறப்படுகிறது.

மேலும், தங்கக் கட்டிகளுடன், கடத்தல்காரர்களிடம் இருந்து இரண்டு மொபைல் கைபேசிகள் மற்றும் சில குற்றச்சாட்டு ஆவணங்களையும் பாதுகாப்புப் படையினர் கைப்பற்றினர். இதைத்தொடர்ந்து கைது செய்யப்பட்ட இரண்டு பெண்களும் கடத்தல் தடுப்பு பிரிவு அதிகாரிகளிடம் ஒப்படைக்கப்பட்டனர்.