உத்திர பிரதேசம் : பேருந்துகள் மோதியதில் 3 பேர் பலி.! 20 பேர் காயம்

உத்திரபிரதேச மாநிலத்தில் இரண்டு பேருந்துகள் ஒன்றுடன் ஒன்று மோதிய விபத்தில் 3 பேர் உயிரிழந்தனர் மற்றும் 20 பேர் காயமடைந்துள்ளனர்.

உத்திரபிரதேசம் மாநிலம் கிரேட்டர் நொய்டா விரைவு சாலையில் நாலெட்ஜ் பார்க் அருகே இன்று அதிகாலை சென்று கொண்டிருந்த இரண்டு பேருந்துகள் ஒன்றுடன் ஒன்று மோதி விபத்துக்குள்ளானது. இந்த பயங்கர விபத்தில் பேருந்துகளில் பயணம் செய்த மூன்று பேர் உயிரிழந்து உள்ளனர். மேலும் 20 பேர் காயமடைந்துள்ளனர்.

இதையடுத்து இந்த விபத்து குறித்து தகவல் அறிந்து வந்த போலீசார் உடனடியாக மீட்பு பணியில் ஈடுபட்டு காயமடைந்தவர்களை மீட்டு சிகிச்சைக்காக மருத்துவமனைக்கு அனுப்பி வைத்தனர். இதில் இரண்டு பேரின் நிலைமை கவலைக்கிடமாக இருப்பதாக கிரேட்டர் நொய்டா காவல்துறையினர் தெரிவித்துள்ளனர்.

மேலும் இந்த விபத்து குறித்து கிரேட்டர் நொய்டா போலீசார் வழக்கு பதிவு செய்து விசாரணை மேற்கொண்டு வருகின்றனர்.