அண்ணாமலை திடீர் டெல்லி பயணம்: காரணம் என்ன?
Annamalai go to Delhi
தமிழக பா.ஜ.க தலைவர் அண்ணாமலை வருகின்ற 16ஆம் தேதி டெல்லி செல்ல உள்ளார். மேலும் டெல்லியில் மத்திய அமைச்சர் அமித்ஷா, பா.ஜ.க தலைவர் ஜே.பி. நட்டா ஆகியோரை சந்தித்து ஆலோசனை நடத்த உள்ளார்.
பா.ஜ.க கூட்டணி பேச்சுவார்த்தை தொடங்காத நிலையில் அண்ணாமலை டெல்லி பயணம் மேற்கொண்டு, பாராளுமன்ற தேர்தல் தொடர்பாக நடைபெறும் ஆலோசனைக் கூட்டத்திலும் கலந்து கொள்கிறார்.
இதற்கிடையே வருகின்ற 17, 18 ஆம் தேதிகளில் டெல்லியில் பா.ஜ.க சார்பில் தேர்தல் ஆலோசனை கூட்டம் நடைபெற உள்ளது. இந்த கூட்டத்தில் முக்கிய தலைவர்கள் பங்கேற்க உள்ளனர்.