திருப்பதி ஏழுமலையானை தரிசிக்க ஜனவரி மாத ஆர்ஜித சேவை டிக்கெட்டுகள் 12ஆம் தேதி வெளியீடு.!

திருப்பதி ஏழுமலையானை தரிசிக்க ஜனவரி மாத ஆர்ஜித சேவை டிக்கெட்டுகள் 12ஆம் தேதி வெளியிடப்படுகிறது.

ஆந்திர பிரதேசம் மாநிலத்தின் தென்கிழக்கு பகுதியில் அமைந்துள்ள திருப்பதி ஏழுமலையான் கோவில், இந்தியாவில் உள்ள மிகவும் சிறப்பு வாய்ந்த முக்கிய திருத்தலங்களில் ஒன்றாகும். இங்கு நாட்டின் அனைத்து மாநிலங்களிலிருந்தும் பக்தர்கள் வந்து தரிசனம் பெறுவார்கள்.

இந்நிலையில் திருப்பதி ஏழுமலையான் கோயிலில் ஜனவரி மாதம் நடைபெறும் கல்யாண உற்சவம், டோல் உற்சவம், ஆர்ஜித பிரம்மோற்சவம், சகஸ்ர தீப அலங்கார சேவை உள்ளிட்ட ஆர்ஜித சேவைகளுக்கான டிக்கெட்டுகள் வரும் 12ஆம் தேதி காலை 10 மணிக்கு ஆன்லைனில் வெளியிடப்படுகிறது. பக்தர்கள் அன்று மாலை 3 மணிக்கு முன்பதிவு செய்யலாம்.

மேலும் எலக்ட்ரானிக் குலுக்கலில் கலந்து கொள்ள சுப்ரபாதம், தோமாலை, அர்ச்சனை உள்ளிட்ட ஆர்ஜித சேவை டிக்கெட்டுகள் 12ம் தேதி காலை 10 மணிக்கு வெளியிடப்படுகிறது. பக்தர்கள் 14ம் தேதி காலை 10 மணி வரை முன்பதிவு பதிவு செய்யலாம் என்று தெரிவிக்கப்பட்டுள்ளது.