பெங்களூரில் பைக் ஸ்டன்ட் செய்த இளைஞர்களின் பைக்கை மேம்பாலத்தில் இருந்து தூக்கி வீசிய மக்கள்!
Bangalore Bike Stunt case
பெங்களூர் மாநகரத்திலிருந்து கூட்டமாக பல இளைஞர்கள் நான்கு மற்றும் இரு சக்கர வாகனங்களில் புறநகர் பகுதியான நீலமங்கலாவுக்கு சென்றுள்ளனர்.
எப்போதும் போக்குவரத்து நெரிசல் அதிகம் இருக்கும் அந்த நெடுஞ்சாலையில் கியர் இல்லாத ஸ்கூட்டர்களில் சென்ற இளைஞர்கள், வாகன ஸ்டன்ட்களில் ஈடுபட்டு, ரீல்ஸ் வீடியோக்களை பதிவு செய்து கொண்டிருந்தனர்.
இதன் காரணமாக டுமக்கூர் பகுதியில் கடும் போக்குவரத்து நெரிசல் ஏற்பட்டது. இதனை பார்த்து அதிர்ச்சியடைந்த மற்ற வாகன ஓட்டிகள் மற்றும் பொதுமக்கள், இளைஞர்களின் வாகனங்களை பறிமுதல் செய்து வாக்குவாதத்தில் ஈடுபட்டனர்.
இதில் இரண்டு பைக்குகளை 30 அடி உயரம் பாலத்தில் இருந்து கீழே போட, பைக் ஸ்டன்டில் ஈடுபட்ட இளைஞர்கள் அங்கிருந்து தப்பி சென்று உள்ளனர்.
இதற்கிடையே, பொதுமக்களுக்கு இடையூறு ஏற்படுத்தும் வகையில் இரு சக்கர வாகனத்தில் வீலிங் செய்த 44 இளைஞர்களை கைது செய்து, பெங்களூர் போக்குவரத்து போலீசார் அதிரடி நடவடிக்கை மேற்கொண்டுள்ளனர்.