மத்திய அமைச்சர் பெயரில் ஆபாச வீடியோ - விசாரணையில் சிக்கிய கல்லூரி மாணவர்.!
college student arrest for obscene vedio uplode union minister name
மத்திய பெட்ரோலியம் மற்றும் சுற்றுலாத்துறை இணை அமைச்சராக இருப்பவர் நடிகர் சுரேஷ் கோபி. இவரது பெயரில் ஆபாச பேச்சுடன் கூடிய வீடியோ இன்ஸ்டாகிராமில் பதிவேற்றம் செய்யப்பட்டுள்ளது. இந்த வீடியோ அரசியல் கட்சியினரிடையே பெரும் அதிர்ச்சியை ஏற்படுத்தியுள்ளது.
இந்த நிலையில், இந்த சம்பவம் குறித்து திருச்சூர் மாவட்ட பாஜக பொதுச்செயலாளர் ஹரி, பீச்சி போலீசில் புகார் கொடுத்தார். அதன் படி போலீசார் விசாரணை நடத்தினர். அந்த விசாரணையில் காட்டூர் அருகே கீழுப்பள்ளிக்கரா பகுதியைச் சேர்ந்த கல்லூரி மாணவர் ஷியாம் என்பவர் மத்திய அமைச்சர் பெயரில் ஆபாச வீடியோவை சமூக வலைதளத்தில் பதிவேற்றம் செய்தது தெரியவந்தது.
சமீபத்தில் மத்திய அமைச்சர் சுரேஷ் கோபி பீச்சி பகுதிக்கு வந்த போது அவரும், ஹரியும் அமர்ந்து பேசி கொண்டிருந்தனர். இந்த வீடியோவை ஆபாசமாக சித்தரித்து பதிவேற்றம் செய்தது விசாரணையில் தெரியவந்தது.
இதையடுத்து போலீசார் ஷியாமை கைது செய்தனர். மத்திய அமைச்சர் பெயரில் ஆபாச வீடியோ சித்தரித்து சமூக வலைத்தளங்களில் வெளியிட்ட சம்பவம் பெரும் அதிர்ச்சியை ஏற்படுத்தியுள்ளது.
English Summary
college student arrest for obscene vedio uplode union minister name