இப்போது இந்தியாவின் மொபைல் நெட்வொர்க் துறையில் முன்னணியில் இருக்கும் ஜியோவை எலான் மஸ்க்கின் ஸ்டார் லிங்க் சவால் விடக்கூடும் என்று கூறப்படுகிறது. இந்தியாவில் மாபெரும் நுகர்வோர்கள் அடங்கிய மொபைல் சந்தை இருப்பதால், பல்வேறு உலகளாவிய நிறுவனங்கள் இங்கு நுழையக் காத்திருக்கின்றன. ஸ்பேஸ் எக்ஸ் நிறுவனத்தின் ஒரு அங்கமாக இருக்கும் ஸ்டார் லிங்க், இந்தியாவில் தனது சேவை வழங்கவிருப்பதாகத் தகவல்கள் வெளியாகி உள்ளன.

இந்தியாவில் தற்போது உள்ள ஜியோ, ஏர்டெல், வோடபோன் ஐடியா போன்ற நெட்வொர்க் நிறுவனங்கள் முதன்மை நிலையில் உள்ளன. ஜியோ தனது தாராளமான தரவு வழங்கும் முறையால் இந்திய சந்தையில் வேகமாக முன்னேறியது. இதனால் ஏர்டெல் மற்றும் வோடபோன் ஐடியா போன்ற நிறுவனங்களுக்கு முந்தைய நிலையை அடைவது சவாலாகவே அமைந்தது. இந்த நிலையில், வெளிநாட்டு நிறுவனமான ஸ்டார் லிங்க் இந்திய சந்தைக்கு வருவதால், இந்திய நிறுவனங்களின் வாடிக்கையாளர் அடிப்படையில் பின்னடைவு ஏற்படலாம் என்பதே முக்கியமான கேள்வியாக எழுகிறது.

சந்தையில் தற்சமயம் சாட்டிலைட் இண்டர்நெட் சேவை சார்ந்த நிறுவனங்களுக்கு அதிக ஆதரவு கிடைப்பதாக கூறப்படுகிறது. ஸ்டார் லிங்க் மற்றும் அமேசானின் புராஜக்ட் கூப்பர் ஆகியவை அலைக்கற்றை ஒதுக்கீட்டை ஏலம் விடாமல், நிர்வாக ரீதியாகவே வழங்கப்பட வேண்டும் என கோரிக்கைகளை முன்வைத்துள்ளன. மத்திய அரசின் தற்போதைய நிலை இதற்கு சாதகமாக இருப்பது, ஜியோ உள்ளிட்ட நிறுவனங்களுக்கு பின்னடைவை உருவாக்க வாய்ப்பைக் கொடுக்கும்.

இந்த மாற்றத்தை எதிர்கொள்வதற்காக ஜியோ, ஏர்டெல் மற்றும் வோடபோன் போன்ற நிறுவனங்கள் தங்களது சேவை தரத்தை மேம்படுத்தும் வகையில் புதிய திட்டங்களை முன் கொண்டு வரும் ஆவலுடன் உள்ளன.