அதிகாலையில் சோகம் - தறிகெட்டு மரத்தில் மோதிய கார் - 5 பேர் பலி.!
five peoples died and five peoples injured for car accident in jarkant
ஜார்க்கண்ட் மாநிலத்தில் உள்ள கிரித் மாவட்டம் பக்மாரா பகுதியில் இன்று அதிகாலை மூன்று மணியளவில் கார் ஒன்று சாலையோரம் இருந்த மரத்தில் மோதி விபத்திற்குள்ளானது. இந்த விபத்தில் 5 பேர் சம்பவ இடத்திலேயே பரிதாபமாக உயிரிழந்தனர்.
மேலும் 5 பேர் படுகாயமடைந்தனர். இதைப்பார்த்த அப்பகுதி மக்கள் சம்பவம் குறித்து போலீஸாருக்குத் தகவல் தெரிவித்தனர். அந்தத் தகவலின் படி போலீசார் சம்பவ இடத்திற்கு விரைந்து வந்தனர்.
பின்னர் படுகாயமடைந்தவர்களை மீட்டு சிகிச்சைக்காக மருத்துவமனைக்கு அனுப்பி வைத்தனர். இதைத்தொடர்ந்து, உயிரிழந்தவர்களின் உடல்களையும் மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.
இந்த விபத்து தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். அதில், காரில் பயணம் செய்தவர்கள் தோரியா என்ற கிராமத்தைச் சேர்ந்தவர்கள் என்றும், அவர்கள் சுமார் 40 கி.மீ. தொலைவில் உள்ள திகோடி என்ற பகுதியில் நடந்த திருமண நிகழ்ச்சிக்கு சென்றுவிட்டு திரும்பியபோது இந்த விபத்து நிகழ்ந்துள்ளது என்பதும் தெரிய வந்தது.
English Summary
five peoples died and five peoples injured for car accident in jarkant