வேலை கிடைத்ததற்காக நண்பர்களுக்கு ட்ரீட் வைத்த தோழி கூட்டு பலாத்காரம் செய்யப்பட்ட சம்பவம் பெரும் பரபரப்பை ஏற்படுத்தி உள்ளது.

ஹைதராபாத்தில் சாப்ட்வேர் நிறுவனத்தில் வேலை கிடைத்ததற்காக பெண் ஒருவர் நண்பர்களுக்கு ட்ரீட் வைப்பதற்காக தனது ஆண் நண்பர்களுக்கு தொடர்பு கொண்டு நண்பர்களை பார்ட்டிக்கு அழைத்ததாக கூறப்படுகிறது.

பெண் தோழியின் அழைப்பை ஏற்று  அப்பெண்ணுடன் 2ஆம்  வகுப்பு முதல் 10 ஆம் வகுப்பு வரை படித்த இரண்டு நண்பர்கள் பிரபல தனியார் ஹோட்டலுக்கு சென்றதாக தகவல் வெளியாகி உள்ளது.

நீண்ட நாட்களுக்குப் பிறகு நண்பர்கள் ஒன்று சேர்ந்துள்ளனர். அப்பெண் ஹைதராபாத்தில் சாப்ட்வேர் நிறுவனத்தில் வேலை கிடைத்ததற்காக இரண்டு ஆண் நண்பர்கள் மற்றும் உறவினருக்கு நேற்று முன்தினம் திங்கள்கிழமை இரவு வனஸ்தலிபுரம் பகுதியில் உள்ள பாருடன் கூடிய ரெஸ்டாரண்டில் ட்ரீட் வைத்துள்ளார்.

மூவரும் அதிகளவில் மது அருந்தி நிலையில்,அப்பெண்ணை அருகில் உள்ள ஹோட்டல் அறைக்கு அழைத்துச் சென்று அவர்கள் மூவரும் பாலியல் பலாத்காரம் செய்துவிட்டு அங்கிருந்து தப்பி ஓடியதாக புறப்படுகிறது.

இந்த நிலையில் பாதிக்கப்பட்ட பெண் ஓட்டல் அறையில் இருந்து தனது அண்ணனுக்கு இந்த தகவலை தெரிவித்ததை கேட்டு அதிர்ச்சி அடைந்த பெற்றோர்கள் அப்பெண்ணை மீட்டு சிகிச்சைக்காக மருத்துவமனையில் அனுமதித்தனர்.

பின்னர் இதுதொடர்பாக காவல்துறையில் புகார் அளித்துள்ளனர். புகாரின் அடிப்படையில் வழக்கு பதிவு செய்த காவல்துறை தப்பி ஓடிய நண்பர்களை கைது செய்துள்ளதாக தகவல் வெளியாகி உள்ளது.