இன்று திருமணம்.! மோட்டார் சைக்கிள் விபத்தில் மாப்பிள்ளை உயிரிழந்த சோகம்.!

கர்நாடக மாநிலத்தில் இன்று திருமணம் நடக்க இருந்த நிலையில் மோட்டார் சைக்கிள் விபத்தில் புது மாப்பிள்ளை பரிதாபமாக உயிரிழந்துள்ளார்.

கர்நாடக மாநிலம் சித்ரதுர்கா மாவட்டம் நேரலகுண்டே பகுதியை சேர்ந்தவர் மஞ்சுநாத்(30). இவருக்கும், அதே பகுதியை சேர்ந்த இளம்பெண் ஒருவருக்கும், திருமணம் நிச்சயிக்கப்பட்டு இன்று திருமணம் நடைபெற இருந்தது. ஆனால் மஞ்சுநாத் உறவினர் ஒருவர் வீட்டிற்கு நேற்று முன்தினம் திருமண அழைப்பிதழ் கொடுத்துவிட்டு மோட்டார் சைக்கிளில் நேரலகுண்டே நோக்கி வந்து கொண்டிருந்தபோது எதிர்பாராத விதமாக காட்டனஹட்டி அருகே எதிரே வந்த லாரியுடன் நேருக்கு நேர் மோட்டார் சைக்கிள் மோதி விபத்துக்குள்ளானது.

இதில் தூக்கி வீசப்பட்ட மஞ்சுநாத் பலத்த காயமடைந்த நிலையில் சம்பவ இடத்திலேயே பரிதாபமாக உயிரிழந்துள்ளார். இதை எடுத்து இந்த விபத்து குறித்து தகவல் அறிந்து வந்த போலீசார் மஞ்சுநாத்தின் உடலை கைப்பற்றி பிரயோக பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இந்த சம்பவம் குறித்து போலீசார் வழக்கு பதிவு செய்து விசாரணை நடத்தி வருகின்றனர். இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.