கச்சத்தீவு புனித அந்தோணியார் திருவிழா.. மத்திய அரசு ரூ.4 கோடி நிதி ஒதுக்கீடு.!
Katchathevu Anthoniyar festival Central govt allocated 4 crore
இந்தியாவுக்கும் - இலங்கைக்கும் இடைப்பட்ட நடுக்கடல் பகுதியில் அமைந்துள்ள தீவு தான் கட்சத்தீவு. ராமேஸ்வரம் தீவில் இருந்து சுமார் 12 கடல் மைல் தொலைவிலும், இலங்கை நெடுந்தீவு பகுதியில் இருந்து 18 கடல் மைல் தொலைவிலும் அமைந்துள்ளது.
இந்த கச்சத்தீவில் புனித அந்தோணியார் ஆலயம் ஒன்று அமைந்துள்ளது. இந்த கோவிலில் இந்தியா - இலங்கை நாட்டை சேர்ந்த மக்கள் திரளாக வந்து ஆண்டுதோறும் மார்ச் மாதத்தில் திருவிழா நடத்தி வருகின்றனர்.
இந்த நிலையில் இந்த ஆண்டுக்கான திருவிழா மார்ச் மாதம் 3 மற்றும் 4 தேதிகளில் நடைபெற உள்ள நிலையில் கச்சத்தீவு புனித அந்தோணியார் ஆலய திருவிழாவில் இந்தியாவில் இருந்து 4500 பேருக்கும், இலங்கையில் இருந்து 4500 பேருக்கும் கலந்து கொள்ள அனுமதி வழங்கப்பட்டுள்ளது.
இந்த நிலையில் கச்சத்தீவு புனித அந்தோனியார் திருவிழாவிற்காக மத்திய அரசு சார்பில் ரூ.4 கோடி நிதி ஒதுக்கப்பட்டுள்ளது. உணவு, குடிநீர், மருத்துவ உதவி உள்ளிட்ட அடிப்படை வசதிகளுக்காக நிதி ஒதுக்கீடு செய்துள்ளதாக யாழ்ப்பாணத்திலுள்ள இந்தியாவிற்கான துணை தூதரக அதிகாரி ராக்கேஷ் நடராஜன் தெரிவித்துள்ளார்.
English Summary
Katchathevu Anthoniyar festival Central govt allocated 4 crore