பீகாரில் இடி மின்னல் தாக்கி 11 பேர் பலி.. முதலமைச்சர் நிவாரணம் அறிவிப்பு.!

பீகாரில் மின்னல் தாக்கி உயிரிழந்த குடும்பங்களுக்கு அம்மாநில முதலமைச்சர் நிதிஷ்குமார் நிவாரணம் அறிவித்துள்ளார்.

வடகிழக்கு மாநிலமான பீகார் மாநிலத்தில் கடந்த சில நாட்களாக இடி, மின்னலுடன் பலத்த மழை பெய்து வருகிறது. இதில் புர்னியா, அராரியா மாவட்டத்தில் தலா 4 பேரும், சோபால் மாவட்டத்தில் 3 பேர் என மொத்தம் 11 பேர் இடி, மின்னல் தாக்கி உயிரிழந்துள்ளதாக அதிகாரிகள் தெரிவித்துள்ளனர்.

இதனையடுத்து மின்னல் தாக்கி உயிரிழந்தவர்களின் குடும்பங்களுக்கு ஆழ்ந்த இரங்கலை தெரிவித்த பீகார் முதலமைச்சர் நிதிஷ்குமார், உயிரிழந்தவர்களின் குடும்பத்தினருக்கு தலா ரூ. 4 லட்சம் நிதியுதவி வழங்கப்படும் என தெரிவித்துள்ளார்.

மேலும், மோசமான வானிலை நிலவுவதால் மக்கள் வீடுகளை விட்டு வெளியே வரவேண்டாம் என அறிவுறுத்தியுள்ளார்.