இந்திய அழகி போட்டி : மிஸ் இந்தியா பட்டம் வென்ற 19 வயது இளம்பெண்!

இந்தியாவில் நடைபெறும் மிஸ் யுனிவர்ஸ் இந்தியா அழகிப்போட்டியில் வெற்றி பெறுபவர் உலக அளவிலான மிஸ் யுனிவர்ஸ் 2024 அழகி போட்டியில் பங்கேற்பது வழக்கம். இந்நிலையில்ராஜஸ்தான் மாநிலம், ஜெய்ப்பூரில் நேற்று மிஸ் யுனிவர்ஸ் இந்தியா 2024 அழகிப்போட்டி நடைபெற்றது.

மொத்தம் 51 பேர் பங்கேற்ற இந்த போட்டியில், குஜராத் மாநிலத்தை சேர்ந்த 19 வயது இளம்பெண் ரியா சிங்கா வெற்றி பெற்றுள்ளார்.

இதையடுத்து ரியா சிங்காவிற்கு "மிஸ் யுனிவர்ஸ் இந்தியா 2024" மகுடத்தை, முன்னாள் "மிஸ் யுனிவர்ஸ் இந்தியா" பட்டம் வென்ற நடிகை ஊர்வசி ரவ்தேலா நடுவராக கலந்து கொண்டு மகுடத்தை அணிவித்தார்.

மேலும் இந்த போட்டியில் பிரஞ்சல் பிரியா இரண்டாவது இடத்தையும், மூன்றாவது இடத்தை சுஷ்மிதா ராயும் பிடித்தனர்.

தொடர்ந்து இந்த ஆண்டு நவம்பர் மாதம் மெக்சிகோவில் நடைபெறும் மிஸ் யுனிவர்ஸ் போட்டியில் ரியா சிங்கா இந்தியா சார்பில் பங்கேற்கிறார்.