நடிகர் மிதுன் சக்கரவர்த்திக்கு தாதா சாகேப் விருது அறிவிப்பு!
Mithun Chakraborty Dadasaheb Phalke
பிரபல பாலிவுட் நடிகர் மிதுன் சக்கரவர்த்திக்கு தாதா சாகேப் பால்கே விருது அறிவிக்கப்பட்டுள்ளது.
நடிகரும், முன்னாள் பாஜக எம்பியுமான மிதுன் சக்கரவர்த்திக்கு வாழ்நாள் சாதனையாளருக்கான தாதா சாகேப் பால்கே விருது அறிவிக்கப்பட்டுள்ளது.
1950-ல் கல்கத்தாவில் ஒரு கீழ்நடுத்தர வர்க்க குடும்பத்தில் பிறந்தவர் மிதுன். இயற்பெயர் கௌரங்கா சக்ரவர்த்தி. 1976-ல் வெளியான ‘மிருகயா’ என்கிற இந்தித் திரைப்படத்தில் நடிகர் மிதுன் சக்ரவர்த்தி அறிமுகமானார். தனது அறிமுக திரைப்படத்திலேயே தேசிய விருது பெற்ற முதல் நடிகர் மிதுன் சக்கரவர்த்திதான்.
1982-ல் வெளியான ‘டிஸ்கோ டான்ஸர்’ என்னும் இந்தித் திரைப்படம் மிதுன் சக்ரவர்த்தியின் புகழை உச்சத்திற்குக் கொண்டு சென்றது. 1989-ம் ஆண்டில் மட்டும் மிதுன் ஹீரோவாக நடித்த 19 திரைப்படங்கள் வெளியாகின. இந்தச் சாதனை இதுவரையிலும் முறியடிக்கப்படவில்லை.
2015-ல் வெளியான ‘யாகாவராரயினும் நா காக்க’ என்னும் தமிழ்த் திரைப்படத்தில் ‘முதலியார்’ என்னும் பாத்திரத்தில் நடித்து உள்ளார். இவருக்கு 2024-ல் பத்ம பூஷண் விருது கிடைத்த நிலையில், இன்று தாதா சாஹெப் பால்கே விருது அறிவிக்கப்பட்டுள்ளது.
English Summary
Mithun Chakraborty Dadasaheb Phalke