குஜராத்தில் கடற்படை ஹெலிகாப்டர் கடலில் விழுந்து விபத்து: 3 பேர் மாயம்!
Navy helicopter crashes into sea in Gujarat 3 dead
ராஜஸ்தானில் நேற்று இந்திய விமானப்படையின் மிக்-29 ரக போர் விமானம் விபத்தில் சிக்கிய நிலையில், இன்று குஜராத், போர்பந்தர் அருகே கடலோரக் காவல் படை ஹெலிகாப்டர் விபத்தில் சிக்கிய சம்பவம் பரபரப்பை ஏற்படுத்தி உள்ளது.
குஜராத் மாநிலம், போர்பந்தரில் இருந்து கடலுக்குள் சுமார் 45 கிலோமீட்டர் தொலைவில் கப்பலில் இருந்து காயமடைந்தவர்களை மீட்பதற்காக இந்திய கடலோரக் காவல்படை ஹெலிகாப்டர் ஒன்று நேற்று இரவு 11 மணியளவில் அனுப்பட்டது.
அப்போது ஹெலிகாப்டர் கட்டுப்பாட்டை இழந்து கடலில் அவசரமாக தரையிறங்கியதில் விபத்துள்ளானது. இந்த விபத்தில், ஹெலிகாப்டரில் சென்ற ஒரு விமானி உள்பட 4 பேர் கடலில் விழுந்தனர். இந்த சம்பவம் தொடர்பாக தகவலறிந்த கடலோரக் காவல்படையினர், தீவிர மீட்பு பணியில் ஈடுபட்டனர்.
அப்போது ஹெலிகாப்டரில் சென்ற ஒரு விமானி மீட்புப்படையினரால் மீட்கப்பட்டார். மேலும் கடலில் விழுந்த 3 பேர் மாயமாகியுள்ளதால் அவர்களை தேடும் பணிகள் தீவிரமாக நடைபெற்று வருகிறது. இந்த தேடுதல் பணியில் ஹெலிகாப்டரின் உடைந்த பாகங்கள் கண்டறியப்பட்டுள்ளது.
English Summary
Navy helicopter crashes into sea in Gujarat 3 dead