கடந்த 2022-ல் உத்தரப் பிரதேச மாநிலம், பதேப்பூர் பகுதியைச் சேர்ந்த ஒரு பள்ளி முடித்த சிறுமி, கான்பூரின் பிரபலமான ஒரு பயிற்சி மையத்தில் சேர்ந்து பயின்றுள்ளார்.

அப்போது அந்த மாணவியை அடைத்துவைத்து, பயிற்சி மைய ஆசிரியர் இருவர் 6 மாத காலமாக பாலியல் சித்ரவதை செய்து வந்துள்ளனர்.

தற்போது அந்த மாணவி தனக்கு நடந்த கொடுமை புகார் அளித்ததையடுத்து இந்த உண்மை வெளிவந்துள்ளது.

மாணவியின் புகாரின் படி, உயிரியல் ஆசிரியர் சாஹில் சித்திக் (32 வயது) மற்றும் வேதியியல் ஆசிரியர் விகாஸ் பொர்வால் (39 வயது) ஆகிய இருவர் கைது செய்யப்பட்டனர். 

அவர்கள் மீது பாலியல் வன்கொடுமை, சட்டவிரோதமாக அடைத்தல், மற்றும் போக்சோ சட்டம் உட்பட பல பிரிவுகளின் கீழ் வழக்கு பதிவு செய்யப்பட்டுள்ளது.

2022 டிசம்பரில், சித்திக், நியூ இயர் நிகழ்ச்சிக்கு கல்யாண்பூர் பகுதியில் உள்ள நண்பரின் அபார்ட்மென்டுக்கு சிறுமியை அழைத்துள்ளார். 

விடுதியில் தங்கி இருந்த மாணவி அங்கு சென்றபோது, குளிர்பானத்தில் மயக்க மருந்து கலந்து, மாணவியை கட்டாயமாக வன்கொடுமை செய்துள்ளார். மேலும், இதை வீடியோவாக பதிவு செய்தும் மிரட்டல் விடுத்துள்ளார்.

ஆறுமாதங்களாக சிறுமியை அப்பார்ட்மெண்டில் அடைத்து வைத்து சித்திக் தொடர்ச்சியாக பலாத்காரம் செய்ததுடன், பின்னர் பொர்வாலும் அதே குற்றத்தை இழைத்துள்ளார்.