அடித்து நொறுக்கப்பட்ட யூடியூப் அலுவலகம்!...அல்லு அர்ஜுன் ரசிகர்கள் கடும் ஆவேசம்!...நடந்தது என்ன?

தெலுங்கானா மாநிலம், ஐதராபாத் பகுதியில் ஒரு தனியார் யூடியூப் சேனல் அலுவலகம் ஒன்று செயல்பட்டு வருகிறது. இந்த நிலையில், தெலுங்கு நடிகர் அல்லு அர்ஜுனுக்கு எதிரான படங்களை யூடியூப் சேனலில் அடிக்கடி வெளியிட்டு வந்ததாக சொல்லப்படுகிறது.

இதனால் ஆத்திரம் அடைந்த அல்லு அர்ஜுன் ரசிகர்கள் யூடியூப் அலுவலகத்திற்குள் புகுந்து, அங்கிருந்த ஊழியர்களை வெளியேற்றி அலுவலகத்தில் இருந்த கம்ப்யூட்டர் மற்றும் உபகரணங்களை சரமாரியாக அடித்து நொறுக்கிய அதிர்ச்சி சம்பம் அரங்கேறி உள்ளது.

இதற்கிடையே, தெலுங்கானா மாநிலத்தில் கடந்த தேர்தலின் போது தனது நெருங்கிய நண்பரான ஒய்.எஸ்.ஆர் காங்கிரஸ் கட்சி வேட்பாளருக்கு அல்லு அர்ஜுன் பகிரங்கமாக ஆதரவு அளித்து இருந்தார்.

மேலும், ஜனசேனா கட்சியின் தலைவரும் அல்லு அர்ஜுனின் மாமாவுமான பவன் கல்யாண் தெலுங்கு தேசம் கூட்டணியில் இருக்கும் போது அல்லு அர்ஜுன் எதிர் தரப்பை சேர்ந்த வேட்பாளருக்கு ஆதரவு அளித்தது பல்வேறு விமர்சனங்களை ஏற்படுத்தியது.

இந்த சூழலில், யூடியூப் அலுவலகத்தை அடித்து நொறுக்கிய அல்லு அர்ஜுன் ரசிகர்களால் பரபரப்பு ஏற்பட்டுள்ளது.