டேராடூன் - டெல்லி இடையே வந்தே பாரத் ரெயில் சேவை... நாளை தொடங்கி வைக்கிறார் பிரதமர் மோடி...!

உத்தரகண்ட் மாநிலம் டேராடூன் மற்றும் டெல்லி இடையே புதிய வந்தே பாரத் எக்ஸ்பிரஸ் ரயிலை பிரதமர் மோடி நாளை காணொளி காட்சி மூலம் தொடங்கி வைக்கிறார். இந்த வந்தே பாரத் ரயில் டேராடூனுக்கும், டெல்லிக்கும் இடையே ஹரித்வார், ரூர்க்கி, சஹாரன்பூர், முசாபர்நகர் மற்றும் மீரட் ஆகிய ஐந்து இடங்களில் மட்டும் நின்று செல்லும் என்று ரெயில்வே வாரியத்தின் இணை இயக்குநர் விவேக் குமார் சிசின்ஹா தெரிவித்துள்ளார்.

இந்த ரயிலின் அதிகபட்ச வேகம் மணிக்கு 110 கிலோமீட்டராக இருக்கும். அதே நேரத்தில், சராசரி வேகம் 63.41 ஆக நிர்ணயிக்கப்பட்டுள்ளது. மேலும் 314 கிமீ தூரத்தை நான்கு மணி நேரம் 45 நிமிடங்களில் கடக்கும் என்றும், புதன்கிழமை தவிர வாரத்தின் ஆறு நாட்கள் இயக்கப்படும் என்றும் அறிவிக்கப்பட்டுள்ளது.