இந்தியாவில் மூன்றாவது முறையாக பிரதமராக பதவி ஏற்கும் நரேந்திர மோடி பதவியேற்பு விழாவிற்கு வருகை.

இந்தியாவில் 18வது மக்களவைத் தேர்தல் ஏழு கட்டங்களாக நடைபெறும் என்று இந்திய தேர்தல் ஆணையம் அறிவித்தபடி, கடந்த ஏப்ரல் 19ஆம் தேதி முதல் கட்ட வாக்கு பதிவு, ஏப்ரல் 26 ஆம் தேதி இரண்டாம் கட்ட வாக்கு பதிவு, மூன்றாம் கட்ட மக்களவைத் தேர்தல் மே 7ஆம் தேதியும், நான்காம் கட்டம் மக்களவைத் தேர்தல் மே 13ஆம் தேதியும், ஐந்தாம் கட்ட மக்களவைத் தேர்தல் மே 20 ஆம் தேதியும், ஆறாம் கட்டும் மக்களவைத் தேர்தல் மே 25ஆம் தேதியும், கடைசி கட்ட ஏழாம் கட்ட மக்களவை தேர்தல் ஜூன் மூன்றாம் தேதியும் நடைபெற்ற முடிந்தது.

 அதனைத் தொடர்ந்து இந்தியாவில் 18-வது மக்களவை தேர்தலில் பதிவான வாக்குகள் எண்ணப்பட்டு கடந்த ஜூன் நான்காம் தேதி முடிவுகள் வெளியானது. இந்தியாவில் பாஜக தலைமையிலான தேசிய ஜனநாயக கூட்டணி 292 இடங்களை கைப்பற்றி யது. காங்கிரஸ் தலைமையிலான இந்தியா கூட்டணி 234 இடங்களை கைப்பற்றி உள்ளது. இந்த நிலையில் பாரதிய ஜனதா கட்சி கூட்டணி கட்சி ஆதரவுடன் ஆட்சியை மூன்றாவது முறையாக அமைகிறது.

 இந்தியாவின் பிரதமராக மோடி மூன்றாவது முறையாக பதவி ஏற்க உள்ள நிலையில், பிரதமர் பதவியேற்பு விழாவிற்கு அண்டை நாட்டுத் தலைவர்கள், உள்நாட்டு சினிமா நட்சத்திரங்கள், பிரபலங்கள், தொழில் அதிபர் ஆகியோர்கள் பதவியேற்பு விழா நடக்கும் இடத்திற்கு வந்துள்ளனர். மோடி அமைச்சரவையில் 72 அமைச்சர்கள் பதவி ஏற்க உள்ளனர். இந்த நிலையில் பதவியேற்பு விழாவிற்கு பிரதமர் மோடி வருகை புரிந்துள்ளார்.