அனைத்து ரெயில் நிலையங்களிலும் ஒரே மாதிரியான பெயர்பலகைகள் - அமைச்சர் அஸ்வினி வைஷ்ணவ் அறிவிப்பு.!!.

இந்தியா முழுவதும் உள்ள அனைத்து ரெயில் நிலையங்களிலும் ஒரே மாதிரியான பெயர் பலகைகள் மற்றும் அடையாள சின்னங்களை வைப்பது குறித்த புத்தக கையேட்டை ரெயில்வே அமைச்சர் அஸ்வினி வைஷ்ணவ் வெளியிட்டார். 

அப்போது அவர் பேசியதாவது:- "உலகிலேயே அதிகமான ரெயில் நிலையங்களை உடைய நாடு என்றால் அது இந்தியா தான். ஏராளமான மக்கள் அதிகளவில் ரெயில் பயணத்தையே விரும்புகின்றனர்.

அப்படி அவர்கள் பயணம் செய்யும் போது தாங்கள் இறங்கும் ரெயில் நிலையத்தின் பெயரை எளிதில் அடையாளம் காணும் வகையில், பெயர் பலகைகளையும், அடையாள சின்னங்களையும் நாடு முழுவதும் ஒரே மாதிரி இடம்பெற செய்ய வேண்டும் என்று முடிவு செய்யப்பட்டுள்ளது. 

அதாவது, பெயர்ப்பலையில், வண்ணம், எழுத்தின் அளவு, உருவங்கள் என்று அனைத்தும் ஒரே மாதிரியாக இருக்கும். அதேபோல், மாற்றுத்திறனாளி பயணிகளுக்கு உடனே புரியும் வகையில் அடையாள சின்னங்களை வைப்போம். 

மிகவும் எளிமையான வார்த்தைகள், தெளிவாக தெரியும் நிறம் போன்றவற்றை பின்பற்றுவோம். தேசிய கொடியின் நிறமான மூவர்ணத்தின் பின்னணியில் ரெயில் நிலைய பெயரை குறிப்பிடும் புதிய பலகைகள் அறிமுகப்படுத்தப்பட்டுள்ளன" என்று அவர் பேசினார்.