சென்னையில் விரைவில் இரண்டாவது விமான நிலையம்! மத்திய அரசு தகவல்.!
Second airport for chennai
சென்னையில் இரண்டாவது விமான நிலையம் விரைவில் அமைக்கப்படும் என மத்திய அரசு தெரிவித்துள்ளது.
நாடு முழுவதும் உள்ள பெரு நகரங்களில் இரண்டாவது விமான நிலையம் அவசியம் என்பதை கருத்தில் கொண்டு அதனை செயல்படுத்த மத்திய அரசு தீவிரம் காட்டி வருவதாக விமான போக்குவரத்து துறை அமைச்சர் ஜோதிராதித்ய சிந்தியா தெரிவித்துள்ளார்.
மேலும், டெல்லியில் ரூ.38,000 கோடி செலவிலும், மும்பையில் ரூ.17,0000 கோடி செலவிலும் இரண்டாவது விமான நிலையம் அமைக்கப்பட்டு வருவதாகவும் அமைச்சர் ஜோதிராதித்ய சிந்தியா தெரிவித்தார்.
சென்னைக்கும் இரண்டாவது விமான நிலையம் தேவை என்பதை கருத்தில் கொண்டு அதனை செயல்படுத்த திட்டமிட்டுள்ளதாகவும் அவர் தெரிவித்தார்.
இதற்காக சென்னை அருகே 4 இடங்களை விமான போக்குவரத்து அமைச்சகத்திடம் மாநில அரசு பரிந்துரைத்துள்ளதாக தெரிவித்த அமைச்சர், அந்த 4 தளங்களிலிருந்து மத்திய அரசு 2 தளங்களைத் தேர்ந்தெடுத்து மாநில அரசுக்கு பரிந்துரைத்து, அதன் பதிலுக்காக காத்திருப்பதாகவும் அமைச்சர் ஜோதிராதித்ய சிந்தியா தெரிவித்தார்.
English Summary
Second airport for chennai