அரவிந்த் கெஜ்ரிவால் ஜாமினுக்கு விதிக்கப்பட்ட தடையை நீக்க உச்சநீதிமன்றம் மறுப்பு!
Supreme Court refuses to remove the ban on Arvind Kejriwal bail
கெஜ்ரிவால் அமலாக்க துறையில் கைது செய்யப்பட்டு சிறையில் உள்ள நிலையில், மேல்முறையீட்டு மனு மீதான விசாரணை நாளை மறுநாளுக்கு உச்சநீதிமன்றம் ஒத்தி வைத்துள்ளதாக தகவல் வெளியாகி உள்ளது.
டெல்லி மதுபான கொள்கை தொடர்பாக பண மோசடி வழக்கில் டெல்லி முதலமைச்சர் அரவிந்த் கெஜ்ரிவால் அமலாக்கத்துறையால் கைது செய்யப்பட்டு திகார் சிறையில் அடைக்கப்பட்டுள்ளார்.
![](https://img.seithipunal.com/media/aravind kejiriwal-n4p4m.jpg)
கடந்த வாரம் உயர்நீதிமன்றத்தில் நடைபெற்ற விசாரணையில் அரவிந்த் கெஜ்ரிவாலுக்கு ஜாமீன் வழங்கப்பட்டது குறிப்பிடத்தக்கது. இதைத் தொடர்ந்து அரவிந்த் கெஜ்ரிவால் சிறையில் இருந்து வெளியில் வருவார் என எதிர்பார்க்கப்பட்டது. அரவிந்த் கெஜ்ரிவாளுக்கு வழங்கப்பட்ட ஜாமீன் உத்தரவை அமலாக்கத்துறை தாக்கல் செய்த மனுவை விசாரிக்கும் வரை நிறுத்தி வைப்பதாக டெல்லி உயர் நீதிமன்றம் உத்தரவிட்டது.
ஜாமின் நிறுத்தி வைக்கப்பட்டதை அடுத்து அரவிந்த் கெஜ்ரிவால் திகார் சிறையிலேயே உள்ளார். உயர் நீதிமன்றம் நிறுத்திவைத்துள்ளதை எதிர்த்து அரவிந்த் கெஜ்ரிவால் உச்ச நீதிமன்றத்தில் மனு தாக்கல் செய்தார். இந்த வழக்கு இன்று விசாரணைக்கு வந்தது அப்போது டெல்லி முதலமைச்சர் அரவிந்த் கெஜ்ரிவால் ஜாமினுக்கு விதிக்கப்பட்ட தடையை நீக்க உச்ச நீதிமன்றம் மறுத்துள்ளதாக தகவல் வெளியாகி உள்ளது.
English Summary
Supreme Court refuses to remove the ban on Arvind Kejriwal bail