இந்தியாவில் உயர்கல்வி படிக்க விரும்பும் வெளிநாட்டு மாணவர்களுக்காக மத்திய உள்துறை அமைச்சகம் இரண்டு புதிய விசா பிரிவுகளை அறிமுகம் செய்துள்ளது: 'இ-ஸ்டூடண்ட்' மற்றும் 'இ-ஸ்டூடண்ட்-எக்ஸ்'.

மேலும், இந்த திட்டத்தை ஆதரிக்க 'ஸ்டடி இன் இந்தியா' என்ற புதிய இணையதளமும் தொடங்கப்பட்டுள்ளது. இந்த இணையதளம் மூலம், இந்தியாவில் உள்ள கல்வி நிறுவனங்களில் சேர்வதற்கான முதன்மை செயல்முறைகள் மேற்கொள்ளப்பட வேண்டும்.

மாணவர்கள் முதலில் 'ஸ்டடி இன் இந்தியா' இணையதளத்தில் சென்று, தேர்ந்தெடுத்த கல்வி நிறுவனத்தில் சேர விண்ணப்பிக்க வேண்டும்.அந்த நிறுவனத்திலிருந்து சேர்க்கை உறுதிச்செய்தல் கடிதம் (Admission Letter) பெற்ற பிறகு, விசாவுக்கு தனியாக விண்ணப்பிக்க வேண்டும்.

'இ-ஸ்டூடண்ட்' விசா: கல்வி பயிலும் மாணவர்களுக்கு வழங்கப்படும்.'இ-ஸ்டூடண்ட்-எக்ஸ்' விசா: மாணவர்களின் குடும்ப உறுப்பினர்கள் மற்றும் அவர்களைத் தாங்கி வரும் நபர்களுக்காக வழங்கப்படும்.

இந்த விசாக்கள் முதன்மை படிப்பின் கால அளவை அடிப்படையாகக் கொண்டு 5 ஆண்டுகள் வரை வழங்கப்படும். அதற்கு பிறகு அவை நீட்டிக்கப்படலாம்.

இந்த புதிய விசா ஏற்பாடுகள், இந்தியாவை வெளிநாட்டு மாணவர்களுக்கு விருப்பமான கல்வி மையமாக மாற்றும் நோக்கத்துடன் அமைக்கப்பட்டுள்ளன.