பயிற்சி வகுப்பிற்கு சென்ற சிறுமிக்கு பாலியல் சீண்டல்....குளத்தில் மூழ்கி பலியான குற்றவாளி!
The girl who went to the training class was sexually assaulted the criminal drowned in the pool
அசாம் மாநிலம், நாகோன் மாவட்டத்தைச் சேர்ந்த 14 வயது சிறுமி ஒருவர், சாலையோரம் மயக்கமடைந்த நிலையில் மீட்கப்பட்டார்.
இது குறித்து தகவலறிந்த போலீசார், சிறுமியை மீட்டு மருத்துவமனைக்கு அனுப்பி வைத்தனர். பின்னர் அவரிடம் நடத்தப்பட்ட விசாரணையில், அவர் 10-ம் வகுப்பு படித்து வந்ததும், பயிற்சி வகுப்பிற்கு சென்றுவிட்டு தனது சைக்கிளில் வீடு திரும்பிக் கொண்டிருந்தபோது, 3 பேர் தன்னை கடத்தி கூட்டு பாலியல் வன்கொடுமை செய்ததும் தெரிய வந்தது.
இதனை தொடர்ந்து, இந்த குற்ற செயலில் ஈடுபட்ட தபுஜல் இஸ்லாம் என்பவரை போலீசார் கைது செய்த நிலையில், மேலும் 2 குற்றவாளிகளை வலைவீசி தேடி வருகின்றனர். இந்நிலையில், இன்று போலீசார் கைது செய்த நபரிடம் குற்றம் நடந்த இடத்தில் விசாரித்து கொண்டிருந்தனர். அப்போது அவர் திடீரென அருகில் இருந்த குளத்தில் பாய்ந்துள்ளார்.
இதனைத் தொடர்ந்து அவரைத் தேடும் பணியில் போலீசார் மற்றும் தீயணைப்புத்துறையினர் ஈடுபட்டனர். சுமார் 2 மணி நேரத்துக்குப் பின்னர் அவரின் சடலம் குளத்திலிருந்து மீட்கப்பட்டது. குற்றம் சாட்டப்பட்ட நபர் குளத்தில் மூழ்கி உயிரிழந்த சம்பவம் அப்பகுதியில் பரபரப்பை ஏற்படுத்தியுள்ளது. மேலும் 2 குற்றவாளிகளை போலீசார் தேடி வருகின்றனர்.
English Summary
The girl who went to the training class was sexually assaulted the criminal drowned in the pool