திருப்பதி அருகே கோர விபத்து: தறிகெட்டு ஓடிய கார்! 4 பேர் பரிதாப பலி.!
Tirupathi near car accident 4 killed
திருப்பதி அருகே சாலை நடுவில் உள்ள தடுப்பு சுவரில் திடீரென கட்டுப்பாட்டை இழந்த கார் மோதி விபத்துக்குள்ளானதில் 4 பேர் பரிதாபமாக உயிரிழந்து விட்டனர்.
நெல்லூர் பகுதியைச் சேர்ந்தவர்கள் திருப்பதி ஏழுமலையான் கோவிலுக்கு சென்று விட்டு காணிப்பாக்கம் வரசித்தி விநாயகர் கோவிலுக்கு காரில் சென்றுள்ளனர்.
இவர்களுடைய கார் சித்தூர் - நாயுடு பேட்டை தேசிய நெடுஞ்சாலையில் சென்று கொண்டிருந்த போது திடீரென ஓட்டுனரின் கட்டுப்பாட்டை இழந்த கார் சாலையின் நடுவே உள்ள தடுப்பு சுவரில் மோதி விபத்துக்குள்ளானது.
இந்த விபத்தில் காரில் பயணம் செய்த 4 பேர் சம்பவ இடத்திலேயே பரிதாபமாக உயிரிழந்துவிட்டனர். மேலும் 2 பேர் பலத்த காயமடைந்த நிலையில் மருத்துவமனையில் அனுமதிக்கப்பட்டு தீவிர சிகிச்சை பெற்று வருகின்றனர்.
இது குறித்து தகவல் அறிந்த போலீசார் சம்பவ இடத்திற்கு விரைந்து சென்று உயிரிழந்தவர்களின் உடல்களை மீட்டு பிரேத பரிசோதனைக்காக மருத்துவமனைக்கு அனுப்பி வைத்துள்ளனர். மேலும் இந்த விபத்து குறித்து போலீசார் வழக்கு பதிவு செய்து விசாரணை நடத்தி வருகின்றனர்.
English Summary
Tirupathi near car accident 4 killed