டெல்லி சட்டசபை தேர்தலில், ஆம் ஆத்மிக்கு ஆதரவுக்கு தெரிவிக்கும் உத்தவ் சிவசேனா ..!

டெல்லி சட்டசபை தேர்தலில் ஆம் ஆத்மி கட்சிக்கு உத்தவ் தாக்கரே தலைமையிலான உத்தவ் பாலாசாகேப் தாக்கரே சிவசேனாவும் ஆதரவளித்துள்ளது.

டெல்லி சட்டசபை தேர்தல் அடுத்த மாதம் 05-ந் தேதி நடைபெறவுள்ளது. தேர்தலில் 'இந்தியா' கூட்டணியில் அங்கம் வகிக்கும் காங்கிரஸ் மற்றும் ஆம் ஆத்மி கட்சிகள் தனித்து போட்டியிடுகின்றன. இந்நிலையிலேயே, ஆம் ஆத்மி கட்சிக்கு, உத்தவ் சிவசேனாவும் ஆதரவளிப்பதாக தெரிவிக்கப்பட்டுள்ளது.

இதுகுறித்து டெல்லியில் அந்த கட்சியின் எம்.பி. அனில் தேசாய் கூறுகையில், " மகாராஷ்டிரா சட்டசபை தேர்தலில் அரவிந்த் கெஜ்ரிவால் தலலைமையிலான ஆம் ஆத்மி எங்களுக்கு ஆதரவாக இருந்தது.

எனவே நாங்கள் ஆம் ஆத்மி கட்சிக்கு ஆதரவளிக்கிறோம். " என்று கூறியுள்ளார். அத்துடன், அரவிந்த் கெஜ்ரிவால் போன்ற தலைவரை, காங்கிரஸ் கட்சி துரோகி என கூறுவது, தங்களுக்கு வருத்தம் அளிப்பதாக உத்தவ் தாக்கரே எம்.பி. சஞ்சய் ராவத் மேலும், கூறியுள்ளார்.