நாளை முதல் உங்கள் GPay, PayTM வேலை செய்யாமல் போகலாம் - யுபிஐ ஐடிகளில் புதிய மாற்றம்!
Upi new rules
சிறப்பு எழுத்துருக்கள் கொண்ட யுபிஐ ஐடிகளின் பணப்பரிவர்த்தனைகள் நாளை முதல் நிராகரிக்கப்படும் என்று இந்திய தேசிய கொடுப்பனவு கழகம் அறிவித்துள்ளது.
NPCI ஜனவரி 9 ஆம் தேதி வெளியிட்ட சுற்றறிக்கையின்படி, யுபிஐ ஐடிகளில் #, @, $, *, ! போன்ற சிறப்பு எழுத்துருக்கள் இருந்தால், பிப்ரவரி 1 முதல் பணப்பரிவர்த்தனைகள் நிராகரிக்கப்படும். பயனர்கள் தங்கள் யுபிஐ ஐடிகளில் 26 ஆங்கில எழுத்துக்கள் மற்றும் 0 முதல் 9 வரையிலான எண்களை மட்டுமே பயன்படுத்த வேண்டும்.
இந்த அறிவிப்பு ஆன்லைன் பணப்பரிவர்த்தனைகளில் எந்தவித இடையூறும் இல்லாமல் இருப்பதை உறுதி செய்வதற்காக வெளியிடப்பட்டுள்ளது. கடந்த ஆண்டு டிசம்பரில் மட்டும் ரூ. 23.25 லட்சம் கோடி யுபிஐ பரிவர்த்தனைகள் நடந்துள்ளன.
யுபிஐ பயன்பாடு தொடர்ந்து அதிகரித்து வருவதால், இந்த புதிய விதிமுறைகள் டிஜிட்டல் பணப்பரிவர்த்தனைகளை மேலும் பாதுகாப்பானதாகவும், திறமையானதாகவும் மாற்ற உதவும்.