முதலமைச்சர் யோகி ஆதித்யநாத் சொத்து மதிப்பு எவ்வளவு தெரியுமா?!

உத்தரப்பிரதேசம் மாநிலத்தின் முதலமைச்சர் யோகி ஆதித்யநாத் சொத்து மதிப்பு ஒரு கோடியே 50 லட்சம் ரூபாய் என, பிரமாண பத்திரத்தில் தெரிவிக்கப்பட்டுள்ளது.

உத்தரபிரதேச மாநில சட்டமன்ற பொதுத்தேர்தலில் போட்டியிடும் யோகி ஆதித்யநாத், தேர்தல் ஆணையத்தில் தாக்கல் செய்திருக்கும் பிரமாண பத்திரத்தில், வங்கி டெபாசிட்கள், கையிருப்பு ரொக்கம், ஆபரணங்கள், ஸ்மார்ட்போன், வீட்டின் மதிப்பை பட்டியலிட்டிருக்கிறார்.

ஒரு லட்சத்து எட்டாயிரம் ரூபாய் மதிப்பில் இரண்டு துப்பாக்கிகள் வைத்திருப்பதாகவும் அதில் தெரிவித்துள்ளார்.

மேலும் 20 ஆயிரம் ரூபாய் மதிப்பில் ருத்ராட்ச மாலை வைத்திருப்பதாகவும், நாற்பத்தி ஒன்பது ஆயிரம் மதிப்பில் காதணிகள் வைத்திருப்பதாகவும், 12 ஆயிரம் மதிப்பில் உள்ள ஸ்மார்ட்போன் ஒன்றை வைத்திருப்பதாகவும், பிரமாண பத்திரத்தில் முதலமைச்சர் யோகி ஆதித்யநாத் தெரிவித்துள்ளார்.

கோரக்பூர் மக்களவைத் தொகுதியில் தொடர்ந்து 5 முறை நாடாளுமன்றத்துக்கு தேர்வு செய்யப்பட்ட முதலமைச்சர் யோகி ஆதித்யநாத், கடந்த 2017 ஆம் ஆண்டு உத்தரபிரதேச மாநில முதலமைச்சராக பதவி ஏற்றுக்கொண்டார் என்பது குறிப்பிடத்தக்கது.