துப்பாக்கியால் சுட்ட நபர்கள் - துடப்பக்கட்டையால் பதிலடி கொடுத்த பெண்.!
woman attack to gun shoot peoples in hariyana
அரியானா மாநிலம் பிவானி மாவட்டத்தில் தெருபகுதியில் நின்று கொண்டிருந்த நபரை நோக்கி 2 இருசக்கர வாகனங்களில் வந்த இருவர் சரமாரியாக சுட்டுள்ளனர்.
உடனே அந்த நபர் அருகில் இருந்த வீட்டிற்குள் ஓடிச் சென்றுள்ளார். இந்தத் துப்பாக்கி சுடும் சத்தத்தை கேட்டதும் எதிர் வீட்டில் இருந்த பெண் கையில் துடப்பக்கட்டையுடன் வேகமாக வெளியில் ஓடிவந்தார்.
பின்னர் அவர் துடப்பக்கட்டையை துப்பாக்கியால் சுட்டவர்கள் மீது வீசினார். இதைப்பார்த்த மர்ம நபர்கள் துப்பாக்கியை எடுத்துக் கொண்டு அங்கிருந்து கிளம்பி சென்றனர்.
இந்த சம்பவம் குறித்து போலீசார் நடத்திய விசாரணையில், துப்பாக்கியால் சுடப்பட்ட நபரின் பெயர் ஹரிகிருஷ்ணன் என்றும் இவர் குத்துச்சண்டை வீரர் ரவி கொலை வழக்கில் குற்றம்சாட்டப்பட்டவர் என்றும் தெரியவந்துள்ளது.
தற்போது ஹரிகிருஷ்ணன் ஜாமின் பெற்று சிறையில் இருந்து வெளியே வந்திருந்ததும், மர்ம நபர்கள் சுட்டதில் ஹரிகிருஷ்ணன் உடலில் நான்கு தோட்டாக்கள் பாய்ந்துள்ளதும் தெரிய வந்தது.
இந்த சம்பவத்தில் துப்பாக்கி சூடு நடத்திய இருவர் மற்றும் அவர்களை இருசக்கர வாகனத்தில் அழைத்து சென்ற இருவரையும் போலீசார் தீவிரமாகத் தேடி வருகின்றனர்.
English Summary
woman attack to gun shoot peoples in hariyana