அசைவ பிரியர்களுக்கு மீன் குழம்பு என்றால் மிகவும் பிடிக்கும்.  பொதுவாக கிராமங்களில் கிடைக்கும் விரால் மீன் குழம்புக்கு தனி ருசி உண்டு. விரால் மீன் குழம்பு எப்படி செய்யலாம் என பார்போம்.

தேவையானவை:

விரால் மீன் - 1/4 கிலோ

சின்ன வெங்காயம் - 50 கிராம்
தக்காளி - 2
புளி - சிறிதளவு
தேங்காய்ப் பால் - கால் கப்
மிளகாய்த் தூள் - 1 டீஸ்பூன்
மல்லித் தூள் - 2 டீஸ்பூன்
மஞ்சள் தூள் - சிறிதளவு
பூண்டு - 10 பல்
வறுத்துப் பொடித்த வெந்தயம் -1 டீஸ்பூன்
சீரகம் -  1 டீஸ்பூன்
உப்பு - தேவையான அளவு
நல்லெண்ணெய் - தேவையான அளவு
வெந்தயம் - அரை டீஸ்பூன்
கறிவேப்பிலை, கொத்தமல்லி இலை, தேவையான அளவு

செய்முறை:

விரால் மீனை எடுத்து நன்றாக கழுவிக்கொள்ள வேண்டும். ஒருபுறம் வெங்காயம், தக்காளி, கொத்தமல்லியை , கறிவேப்பிலையை பொடியாக நறுக்கி கொள்ள வேண்டும். அத்துடன் புளியை எடுத்து தண்ணீரில் ஊற வைத்துக்கொள்ள வேண்டும். புளி நன்றாக ஊறியதும் அதனை தனியாக கரைத்து எடுத்து வைத்துக்கொள்ள வேண்டும்.

பின்னர் வாணலியில் நல்லெண்ணெய் விட்டு காய்ந்ததும் வெந்தயம், சீரகம்,  கறிவேப்பிலை போட்டுத் தாளிக்க வேண்டும். அதன் பின்னர் அதில் வெங்காயத்தைச் சேர்த்து நிறம் மாறும்வரை நன்றாக வதக்க வேண்டும். அத்துடன் தக்காளி மற்றும் சிறியத் துண்டுகளாக நறுக்கிய பூண்டையும் சேர்த்து வதக்க வேண்டும்.

நன்றாக வதங்கியதும் மிளகாய்த் தூள், மல்லித் தூள், மஞ்சள் தூள் ஆகியவற்றைச் சேர்த்து வதக்கி புளிக் கரைசல், உப்பு, தேவையான அளவு தண்ணீரையும் சேர்க்க வேண்டும். புளியின் பச்சை வாசனை வரை குழம்பை நன்றாக கொதிக்க வைக்க வேண்டும்.

10 நிமிடங்கள் கழித்து  மீன் துண்டுகளை சேர்த்து ஒரு கொதி வந்ததும் தேங்காய்ப் பாலைச் சேர்த்து ஒரு கொதி வந்ததும் கொத்தமல்லி இலை தூவி இறக்கி பரிமாறலாம்.