ஒரு வாக்கு கூட பெறாத அதிமுக வேட்பாளர்.. அதிர்ச்சியில் அதிமுக தொண்டர்கள்.!

தமிழகத்தில் 21 மாநகராட்சிகள், 138 நகராட்சிகள் மற்றும் 489 பேரூராட்சிகளுக்கு கடந்த 19ம் தேதி வாக்குப்பதிவு நடைபெற்றது. இதில், பதிவான வாக்குகள் தமிழகம் முழுவதும் 268 மையங்களில் இன்று எண்ணப்பட்டு முடிவுகள் அறிவிக்கப்பட்டு வருகின்றன.

முதலில் தபால் வாக்குகள் எண்ணப்பட்டது. அதன்பிறகு மின்னணு வாக்குப்பதிவு இயந்திரங்கள் இயந்திரங்களில் பதிவான வாக்குகள் எண்ணப்பட்டு முடிவுகள் அறிவிக்கப்பட்டது. தற்போது வாக்குகள் எண்ணப்பட்டு முடிவுகள், மற்றும் முன்னிலை நிலவரங்கள் அறிவிக்கப்பட்டு வருகின்றன.

புதுக்கோட்டை மாவட்டம் கறம்பகுடி பேரூராட்சி ஏழாவது வார்டு அதிமுக வேட்பாளர் இப்ராம் ஷா 1 வாக்குகள் கூட பெறவில்லை. இதனால் அதிமுக வேட்பாளர் அதிர்ச்சி அடைந்துள்ளார்.