ஹலோ..! சின்னத்தை எப்ப சார் முடக்குவிங்க! ரவீந்திரன் துரைசாமியை கலாய்க்கும் அதிமுக தொண்டர்கள்!
AIADMK volunteers questioning Ravindran Duraisamy audio goes viral
அரசியல் விமர்சகர் ரவீந்திரன் துரைசாமி யூடியூப் சேனலின் விவாத நிகழ்ச்சியில் அதிமுகவில் ஏற்பட்டுள்ள ஒற்றை தலைமை விவகாரம் குறித்து பேசி இருந்தார். அந்த நிகழ்ச்சியில் ரவீந்திரன் துரைசாமி அதிமுகவைப் பற்றியும் எடப்பாடி பழனிச்சாமி குறித்தும் கடுமையான விமர்சனங்களை முன் வைத்திருந்தார். குறிப்பாக அந்த நிகழ்ச்சியில் அதிமுக தற்பொழுது தலை இல்லாத முண்டம். தலைகள் எண்ணிக்கை அதிகமாக உள்ள பழனிச்சாமியையும் பன்னீர் செல்வத்தையும் மோடி ஒரே மாதிரியாகத்தான் மோடி பார்க்கிறார் என பேசி இருந்தார்.
மேலும் பேசிய அவர் "பன்னீர்செல்வமும் வைத்தியலிங்கமும் மோடியை பஞ்சாயத்து செய்யுமாறு அழைக்கின்றனர். தினகரனும் மோடி பக்கம் நிற்கிறார். ஆனால் எடப்பாடி பழனிச்சாமி அவ்வாறு இல்லை. மோடி பழனிச்சாமியை இடது கையால் டீல் செய்கிறார். இதற்கு அர்த்தம் இரட்டை இலை சின்னத்தை மோடி முடக்குவார்.
அதற்கு நெறியாளர் "பழனிச்சாமி தேர்தல் களத்தில் பார்த்துக் கொள்ளலாம் என்ற முடிவில் இருந்தால்" கேள்வியை முன் வைத்தார். அதற்கு ரவீந்திரன் துரைசாமி "கே.பி முனுசாமியும், சி.வி சண்முகமும் பெரிய வீரர்கள் தானே. முன்னாள் அமைச்சர் ஜெயக்குமார் நம்ம நண்பர் அவர் மிகப்பெரிய வீரர், வைகை செல்வன் அவரும் அமைதியான வீரர், இவர்கள் எல்லாம் மோடி எதிர்ப்பில் தெளிவாக உள்ளனர்" என அதிமுகவையும் அதன் நிர்வாகிகளையும் கடுமையாக விமர்சனம் செய்திருந்தார்.
இந்த அந்த விவாத நிகழ்ச்சியில் ரவீந்திரன் துரைசாமி பழனிச்சாமிக்கு எதிராகவும் பாஜக மற்றும் பன்னீர்செல்வம் அணியினருக்கு ஆதரவாகவும் பேசி இருந்தார். இந்த காணொளி இணையத்தில் வைரல் ஆனது. இதனைக் கண்ட பழனிச்சாமியின் அணியை சார்ந்த அதிமுக தொண்டர்கள் ரவீந்திரன் துரைசாமிக்கு போன் செய்து எப்போ சார் இரட்டை இலையை முடுக்க போறீங்க என கேள்வி எழுப்பி வருகின்றனர். ரவீந்திரன் துரைசாமிக்கு போன் செய்த அதிமுக தொண்டர் ஒருவர் "ஹலோ..." ரவீந்திரன் சாருங்களா... எப்ப சார் சின்னத்த முடக்க போறீங்க" என கேள்வி எழுப்பினார். அதற்கு எதிர் முனையில் இருந்த அரசியல் விமர்சகர் ரவீந்திரன் துரைசாமி "அடையாளம் தெரியாத நபர்களின் அழைப்பு (unknown calls) தேவையில்லை.
உங்க வேலையை பாருங்கள்" என பேசிக்கொண்டு இருக்கும்போதே அழைப்பை துண்டித்தார். இது தொடர்பான ஆடியோ இணையத்தில் வைரல் ஆகி வருகிறது. ரவீந்திரன் துரைசாமியை போன் செய்து கேள்வி கேட்டதும் இல்லாமல் அவருடைய வாட்சப் எண்ணிற்கும் மெசேஜ் அனுப்பி அதிமுக தொண்டர்கள் கேள்வி எழுப்பி வருகின்றனர். இதனால் ரவீந்திரநாத் இடம் கேள்வி எழுப்பும் அதிமுக தொண்டர்களின் எண்களை ரவீந்திரன் துரைசாமி பிளாக் செய்து வருகிறார்.
English Summary
AIADMK volunteers questioning Ravindran Duraisamy audio goes viral