கர்நாடக தேர்தலில் பாஜக படுதோல்வி!....ஆத்திரத்தில் டிவியை உடைத்த தொண்டரால் பரபரப்பு!....

மஹாராஷ்டிரா, ஜார்க்கண்ட் உள்ளிட்ட மாநிலங்களின் முதல்வர் தேர்தல் முடிவுகளும், கேரளா, உத்திர பிரதேசம், கர்நாடகா உள்ளிட்ட மாநிலங்களில் பல்வேறு பகுதிகளில் நடைபெற்ற இடைத்தேர்தல் முடிவுகளும் நேற்று வெளியிடப்பட்டது.

அந்த வகையில், மஹாராஷ்டிரா மாநிலத்தில் ஆளும் பாஜக கூட்டணி கட்சியான ஏக்நாத் ஷிண்டே தலைமையிலான ஆட்சி மீண்டும் ஆட்சியை தக்க வைத்துள்ளது. இதே போல், ஜார்க்கண்ட் மாநிலத்தில் ஹேமந்த் சோரன் மீண்டும் முதலமைச்சராக வெற்றி பெற்றுள்ளார்.

இந்த சூழலில், கர்நாடக மாநிலத்தில் உள்ள சென்னபட்டணா, சிக்காவி மற்றும் சண்டூர் ஆகிய சட்டசபை தொகுதிகளுக்கு கடந்த 13-ம் தேதி இடைத்தேர்தல் நடைபெற்ற நிலையில், இந்த தேர்தல் முடிவுகள் நேற்று வெளியானது. இதில் 3 தொகுதிகளிலும் காங்கிரஸ் கட்சி வெற்றி பெற்ற நிலையில், பாஜக கூட்டணி படுதோல்வி அடைந்தது.

இந்த நிலையில், விஜயாப்புரா மாவட்டத்தை சேர்ந்த வீரபத்ரப்பா என்ற பாஜக தொண்டர், நேற்று டிவியில் தேர்தல் முடிவுகளை பார்த்து கொண்டிருந்த போது 3 தொகுதிகளிலும் பா.ஜ.க தோல்வியடைந்ததால் ஆத்திரம் அடைந்த அவர் டிவியை வீட்டிற்கு வெளியே சாலையில் தூக்கி போட்டு உடைத்தார்.